ဖျားနေတယ်

ဖျားနေတယ်။ အခုလိုဖျားနာနေတော့လည်း ကိုယ့်မှာ ခန္ဓာကြီးကို လွယ်ထားရလို့ ဒုက္ခဆိုတာ လိုက်လာတာပါလားဆိုပြီး သဘာဝတရားကြီးကိုတောင် အပြစ်ဖို့ချင်သေးရဲ့။ အမှန်ကတော့ ကိုယ့်ဘာသာ မဆင်မခြင် သောင်းကျန်းပြီး ဖြစ်တာပါ။ သောက်စားမူးယစ်တာတွေ များတော့လည်း ဘယ်ခံနိုင်တော့မလည်း။ အခုလို ဖျားတိုင်း နောက်ဆို ကျန်းမာအောင် နေတော့မယ်ဆိုတဲ့ စိတ်ကူးဝင်မိတယ်။ ငယ်ငယ်ရွယ်ရွယ်နဲ့ သေရမှာလည်း ကြောက်သေးတာကိုး။ အို၊ နာ၊ သေ ဘေး ပြေးမလွတ်ဘူးလို့ ပြောကြတယ် မဟုတ်လား။ သေပြီး ပြီးတာပဲကွာလို့ ကိုယ်တွေ တွေးကြည့်ထားသလို မှန်နေရင်တော့ အကြောင်းမဟုတ်၊ (သေတယ်ဆိုတာကလည်း တွေးကြည့်လို့ပဲရတာမျိုး) အဘိဓမ္မာဆရာများ ပြောသလို နောက်ဘဝဆိုတာတွေ ရှိနေမှ အခက်။ မသကာ လက်ဖက်ရည်ဆိုင်အိမ်သာမှာ ပက်ကျိသွားဖြစ်နေ ဘယ့်နှယ့် လုပ်မတုန်း။ ဖျားတဲ့ နာတဲ့အချိန် အဲဒါတွေ တွေးကြည့်ပြီးတော့လည်း ပူမိတတ်သေးတယ်။ ဒီတော့လည်း ငါ နောက်ဆို ဆင်ခြင်မှဆိုတဲ့ အတွေးမျိုးက ဝင်လာပြန်ရော။

ဆင်ခြင်တယ်ဆိုလို့ နောက်ဘဝ ပက်ကျိဖြစ်မယ့်အရေး တွေးပူပြီး ဝိပဿနာဥာဏ်စဉ်တွေ ဆင်ခြင်လိမ့်မယ်လို့ မထင်လိုက်နဲ့ဦး။ ဒါမျိုးက ပါရမီထက်သန်ပြီး ပညာဥာဏ်သမ္ဘာ အင်မတန်ရင့်ကျက်တဲ့ ပုဂ္ဂိုလ်မျိုးမှ နားလည်နိုင်တာမျိုး။ ကိုယ်တွေ တတ်ထားတဲ့ ဆိုကရေးတီးသည် သေမျိုးဖြစ်သည် ဆိုတဲ့ လော့ဂျစ်လောက်နဲ့ ဘယ်ရမှာတုန်း။ ဒီတော့ကာ ကိုယ်ဆိုလိုတဲ့ ဆင်ခြင်ခြင်းဆိုတာ ဘာလဲ၊ ထပ်ရှင်းရပြန်တော့တယ်။

I/အိုင်/EYE/POND

မဂ္ဂဇင်းတစ်ခု လုပ်နေတယ်။ 

အွန်လိုင်း အဓိက ဖြစ်မယ်။ နည်းနည်းပါးပါးလည်း ပရင့်ထုတ်ပြီးတော့ လျှောက်ဝေမယ်။ မီးမလာတာတို့ အင်တာနက်လိုင်း မကောင်းတာတို့ဖြစ်ရင် ဖတ်လို့ရအောင်။ အဓိကတော့ စာမရေးဖြစ်တဲ့သူတွေ၊ စာရေးဝါသနာပါတဲ့သူတွေ၊ စာရေးဆရာမဖြစ်သေးတဲ့သူတွေအတွက် ကစားကွင်းတစ်ခု လုပ်ပေးချင်တာပဲ။ ကိုယ်မသိတဲ့ စာပေဝါသနာပါတဲ့သူတွေနဲ့လည်း တွေ့ချင်တယ်။ အားလုံးကို စာအုပ်တစ်ခု တစ်စုတစ်စည်းထဲ လုပ်ပေးလိုက်ရင် network တစ်ခုရလာမယ်။ စာရေးသူအချင်းချင်းလည်း အဆက်အသွယ်ရှိသွားမယ်လို့ စဉ်းစားပြီးလုပ်တာပဲ။

တကယ်တော့ ဟိုးအရင်ကတည်းက ဒါမျိုး စာအုပ်ထုတ်တာ၊ စီစဉ်တာကို စိတ်တောင်မကူးဖူးဘူး။ ဝါသနာလည်း မပါဘူး။ တစ်ခေါက် ဆရာက မင့်တို့တိုင်းပြည်မှာ စာပေမဂ္ဂဇင်းတွေ ရှိသလားလို့ မေးတော့ ကိုယ်သိတာ သုံးလေးခုပဲ ထွက်လာတယ်။ ကောင်းသလားလို့ ထက်မေးတော့ ပုခုံးပဲ တွန့်မိတယ်။ လတိုင်း ဒီလူတွေချည်းပဲ မြင်နေရတယ်။ အဲလို စာပေမဂ္ဂဇင်းမျိုးကို တိုးဖို့ဆိုတာကလည်း လွယ်တာမဟုတ်။ အဆက်အသွယ်မရှိ၊ အတွေ့အကြုံမရှိတဲ့သူတွေဆို နှစ်တွေကြာသွားတဲ့အထိ ပါဖို့ ဖြစ်နိုင်တာမဟုတ်ဘူး။ လို့ ရှင်းပြလိုက်တယ်။ အဲတော့ သူက မင်းလုပ်ကြည့်လေလို့ ပြောတယ်။ အင်း ရတာပဲ။ လို့ ပြန်ပြောပြီး အဲဒီအတွေးကို ချောင်ထဲ ထည့်ထားလိုက်တယ်။ ဒဂုန်ခင်ခင်လေးတောင် ဆယ့်ခြောက်နှစ်သမီးကတည်းက သတင်းစာ ထုတ်တာပဲလို့တောင် စဉ်းစားမိသေးတယ်။

လမ်းခွဲ

လူတွေဟာ သူမရွေးခဲ့မိတဲ့ လမ်းအတွက်တော့ နောင်တရမိကြတာချည်းပဲ။ (-- မြင့်သန်း --)

မပြီးဆုံးနိုင်သော ရွေးချယ်မှုများနောက်ဆုံးတွင်

လမ်းခွဲတစ်ခုသို့ သူမျှော်လင့်စွာဖြင့် ရောက်လာခဲ့ပါသည်။ ဤတစ်ကြိမ်သည်လည်း ခါတိုင်းကဲ့သို့ပင် ရွေးချယ်မှုတစ်ခုကို ထပ်မံပြုလုပ်ရဦးမည် ဖြစ်ကြောင်း သူနားလည်ထားပါသည်။ အသေးငယ်ဆုံးသော ရွေးချယ်မှုတစ်ခုကပင်လျှင် ဘဝကို အကြီးအကျယ် လမ်းလွှဲပေးနိုင်ကြောင်း ခေးအော့စ်သီအိုရီတွင် သူကြားဖူးခဲ့သော်လည်း သိပ်တော့ဘဝင်မကျခဲ့။ သို့သော် ဘဝင်ကျခြင်း ဘဝင်မကျခြင်းဆိုသည်မှာလည်း သူ၏ ဘက်လိုက်မှုတစ်ခုသာ မဟုတ်ပေဘူးလား။ ပုံမှန်အားဖြင့် ဘက်လိုက်မှုများကို သဘောမကျတတ်သော သူသည် ရွေးချယ်ရခြင်းကိုလည်း သိပ်မနှစ်သက်ပေ။ ဘဝသည် ရွေးချယ်နေရခြင်းထက် ကြုံရာကျပန်းဖြစ်နေရလျှင် ပို၍ပျော်စရာကောင်းမည်ဟု စဉ်းစားမိပါသည်။ သို့သော်လည်း လူဖြစ်လာကတည်းက ပြုလုပ်ခဲ့ရသော ရွေးချယ်မှုများနှင့် အသားကျခဲ့သည်မှာလည်း အတော်ပင်ကြာခဲ့ပါပြီ။ ဤတစ်ကြိမ်လည်း ထပ်မံရွေးချယ်ရဦးမည်။

စာမရေးခြင်း

ခုရက်ပိုင်းအတွင်း စာမရေးဖြစ်ဘူး။ မရေးဖြစ်တာကလည်း ကျွန်တော့်နေ့စဉ်ဘဝမှာက စာတစ်တန် ပေတစ်ဖွဲ့ လုပ်စရာ အကြောင်းအရာ ထူးထူးခြားခြားမှ မရှိဘဲ။ အရင်ကလဲ ဟိုတွေးဒီတွေးနဲ့ပဲ တစ်ပုဒ်စ နှစ်ပုဒ်စ ရေးဖြစ်တာ။ ကိုယ်ကလဲ ဝါသနာပါတဲ့လူဆိုတော့ ဒီလိုပဲ ရှာကြံရေးရတာပေါ့။ ခုရက်ပိုင်းမှာက ရေးချင်စရာ ဘာအကြောင်းအရာမှ ဦးနှောက်ထဲက မထွက်လာဘူး။ ဒါကြောင့်လည်း မရေးဖြစ်တာ။ ဟိုဟိုဒီဒီ တွေးဖို့ဆိုတာကလည်း အချိန်ကသိပ်မရှိဘူး။ အရမ်းအလုပ်များနေလို့တော့ မဟုတ်ဘူးရယ်။ တစ်နေ့တစ်နေ့ အပြင်ထွက်၊ ဂိမ်းဆော့၊ အိပ်၊ စား နဲ့ပဲ အချိန်တွေကုန်နေလို့။ စာရေးဖို့ဆိုတာကလည်း ပျင်းမှ ရေးလို့ကောင်တာမှတ်လား။

ခုရက်ပိုင်းမှာ လူက စိတ်ကြည်လင်နေတယ်။ ဘာကိုမှ ခေါင်းထဲမှာ မရှိဘူး။ ဗိုက်ဆာရင် စားတယ်၊ အိပ်ချင်ရင် အိပ်တယ်။ ဂိမ်းကစားတယ်၊ စာဖတ်တယ်။ ဘဝရဲ့ ဖြစ်တည်မှုတွေ အမှန်တရားတွေ ယောင်လို့တောင် မတွေးမိဘူး။ စာရေးဖို့လည်း အာရုံမရဘူး။ ပြီးတော့ ကျွန်တော့်မှာက အကျင့်ဆိုးတစ်ခုရှိတယ်။ ဒီအတိုင်းနေရင် စာရေးချင်နေပြီးတော့ ရေးနေတုန်းမှာ အဲဒီစိတ်က ပျောက်ပျောက်သွားတာပဲ။ အခုလည်း ရေးနေရင်း ဆက်မရေးချင်တော့ဘူး။ ဒီလောက်နဲ့ပဲ ရပ်မှနဲ့တူတယ်။ စိတ်ကို အနိုင်ကျင့်လို့ သိပ်မကောင်းဘူး မဟုတ်လား။

17 ဇန်နဝါရီ၊ 2010

တစ်အိမ်လုံးတွင် အခန်းလေးတစ်ခန်းမှ လွဲ၍မှောင်နေသည်။ ကွန်ပြူတာမှ သီချင်းသံတိုးတိုးလေး ထွက်နေသည်။ ကုလားထိုင်ပေါ်တွင် ကောင်လေးတစ်ယောက် ယန်းပေါလ်ဆာတ်၏ “နော့်ဆီယာ” (Nausea) စာအုပ်ကို ဖတ်နေသည်။ ပတ်ဝန်းကျင် တစ်ခုလုံး ငြိမ်သက်။ ကားတစ်စီးနှစ်စီး လမ်းမပေါ်တွင် ဖြတ်သွားသံကို တစ်ခါတစ်ရံ ကြားရသည်။ ပူနွေးသော ရန်ကုန်မြို့၏ ညသန်းခေါင်ယံ သို့မဟုတ် မိုးသောက်ယံအချိန်တွင် တိုက်ခန်းတစ်ခန်းအတွင်း၌ အသက်ဝိဥာဉ်ကင်းမဲ့နေသလိုပင် ထင်နေရသည်။ ဒီနေ့သည် ဇန်နဝါရီလ ၁၇ ရက် ဖြစ်သည်။ ယနေ့မှစ၍ လွန်ခဲ့သော ၁၇ နှစ်တိတိ နံနက် ၀:၂၂ တွင် ထို “စာဖတ်သူ” ကောင်လေးကို မွေးဖွားခဲ့သည်။ ထို့ကြောင့် ယနေ့သည် ထိုကောင်လေး၏ မွေးနေ့ဟု သတ်မှတ်ကြသည်။ သတ်မှတ်ထားပါသည်။

ကျွန်တော်နှင့်အယ်လ်ကိုဟော

ဘဝတွင် ပထမဆုံးအကြိမ်အဖြစ် ခန္ဓာကိုယ်ထဲသို့ အယ်လ်ကိုဟော ဝင်ရောက်ခြင်းသည် လွန်ခဲ့သော သုံးနှစ်ခန့်၊ အသက်ဆယ့်လေးနှစ်၊ ရှစ်တန်းကျောင်းသားအရွယ်တွင် ဖြစ်သည်။ ဘယ်အပေါင်းအသင်းမှ ဆွဲဆောင်ဖျက်ဆီး၍ လည်းမဟုတ်၊ မိမိဘာသာပျက်စီးချင်သည့် ဗီဇ ပါလာ၍ အဖေ့အရက်ပုလင်းမှ ခိုးသောက်မိခြင်းပင်။ ထိုသို့ပြော၍ ကျွန်တော့်အဖေ အရက်သမားဟု မထင်လိုက်ပါနှင့်။ အဖေသည် လူကြီးပီပီ ဆေးဖြစ်ဝါးဖြစ် တစ်နေ့ နှစ်ပက်ခန့် ပုံမှန်သုံးဆောင်နေသော ဂုဏ်သရေရှိ “လူကြီးလူကောင်း” သာဖြစ်သည်။ ထိုစဉ်က သီတင်းကျွတ်ကာလဖြစ်ရာ အဖေ့ကို လာရောက် “သြကာသ” သူများနှင့် စည်ကားလျက်၊ အိမ်တွင် ပုလင်းများ တန်းစီနေသော အချိန်ကောင်းပင် ဖြစ်သည်။ လူငယ်ပီပီ အရာရာကို စမ်းသပ်ချင်သော သဘာဝ၏ စေ့ဆော်မှုကြောင့် ဟူ၍သာ လွှဲချလိုက်တော့မည်။

မှတ်ဥာဏ်ထဲမှ အပိုင်းအစများ

ဟက်ပီးနယူးရီးယားပါ မိတ်ဆွေတို့။ အားလုံးလဲ နှစ်သစ်ကို အမျိုးမျိုးကြိုဆိုခဲ့ကြပြီလို့ ထင်ပါတယ်။ ကျွန်တော်လဲ အားရပါးရ ကြိုဆိုလိုက်တာ နှစ်ပင်၊ သုံးပင်လိမ်ပြီး ခေါင်းတွေကိုက်နေပြီ။ ဘာပဲဖြစ်ဖြစ်ပေါ့လေ။ ဘာလိုလိုနဲ့ 2010 တောင်ရောက်လာခဲ့ကြပြီနော်။ ကမ္ဘာကြီးလဲ အသက်တစ်နှစ်ကြီးသွားပြီ။ ဖြစ်ပျက်သဘောအရဆိုရင်တော့ ကမ္ဘာပျက်ဖို့ တစ်နှစ်နီးသွားပြီပေါ့နော်။
တစ်ချို့တွေလဲ ဒီနှစ်မှာ ငါဘာဖြစ်ရမယ် ညာဖြစ်ရမယ်လို့ ကြွေးကြော်နေကြပြီပေါ့။ ဒါပေမယ့် နှစ်သစ်မှာ စိတ်ဓာတ်အဟောင်းတွေနဲ့ ရှေ့ဆက်မယ်ဆိုရင်တော့ အနာဂတ်ဟာလည်း အဟောင်းပဲဖြစ်နေဦးမှာပဲ။

အခုတလော လိုချင်နေတာတွေ

-ကော်နက်ရှင်မကျတတ်တဲ့ အင်တာနက်လိုင်းတစ်ခု
-ဘီလ်မဆောင်ရတဲ့ ဖုန်းတစ်လုံး
-မီးမပြတ်တဲ့ရပ်ကွက်က တိုက်ခန်းကျဉ်းကျဉ်းလေးတစ်ခန်း
-ငါးထောင်တန်တစ်အုပ်လောက်
-ဘယ်သူ့ကိုမှဂရုစိုက်စရာမလိုတဲ့ လွတ်လပ်ခွင့်
-access denied မပေါ်တဲ့ proxy တစ်ခု
-ဒါဗင်ချီနဲ့ ပီကာဆိုရဲ့ ပန်းချီကားတွေ
-မြင့်သန်းစာအုပ် ဆယ့်နှစ်အုပ်လောက်
-ခံစားချက်မရှိတဲ့ နှလုံးသားတစ်ခု
-ပြီးတော့ ဖြည့်ဆည်းချင်နေတဲ့ မျှော်လင့်ချက်တစ်ခု

အင်း.... ဒီလောက်... ဒီလောက်ပါပဲ...။

အိပ်မက်ထဲမှာအိပ်မက်မက်နေတဲ့ကောင်လေး

အမှောင်ထဲရောက်နေသူအဖို့ မျှော်လင့်ချက်သည် အလင်းရောင်ဖြစ်ပါသည်။ သူ့ကို တစ်ခါက အလဲထိုးဖူးသော ပန်းတစ်ပွင့်အကြောင်းကို ကောင်မလေးတစ်ယောက်အား ပြောပြဖူးပါသည်။ မုတ်သုန်လာသော်လည်း ပျိုးမကြဲမိပါ။ မိုးကတော့ အချိန်တန်လျှင် ရွာမည်သာ ဖြစ်သည်။ သူတို့ နှစ်ယောက် ကြိုးချင်းထိရန် မနီးကပ်လှပါ။ ဖန်သားပြင်မှ စကားလုံးများမှ တဆင့် နှလုံးသားချင်း ရင်ဖွင့်ဖူးပါသည်။

ထိုကောင်မလေးအား သူက ဒုတိယနှင်းဆီဟု အမည်ပေးကာ တိတ်တိတ်ကလေး ရင်ခုန်ဖူးပါသည်။ သူ၏ ပထမအိပ်မက် အကြောင်းပြောလျှင် နှင်းဆီနားထောင်ပေးသည်။ နှင်းဆီကလဲ သူ့ကို နွေးထွေးစွာ တုံ့ပြန်ပါသည်။ သူ၏ညများ ကြယ်တစ်ချို့ လင်းခဲ့ဖူး၏။ ဒုတိယအိပ်မက်ကို မက်ရင် “ယုတ်မာစွာ” သူကြံစည်ဖူးပါသည်။

ဖတ်ပြီးရင်မေ့ပစ်လိုက်ပါ

“ကြယ်ဆိုတာ ကြွေတတ်တယ်...။ မျှော်လင့်ချက်ဆိုတာလဲ သေတတ်တယ်...” ကြယ်တွေကို ငေးတတ်တဲ့ ငါ... ကြယ်တွေကိုတောင် မုန်းချင်လာပြီ။ ငါ့ဘဝမှာ.. ကြယ်တွေကြွေတာများပြီ... အတော်လေးတော့ များနေပြီ...။ ဒီလောက်ဆိုရင်တော့ ရပြီ ရပြီ။ ငါ... မျှော်လင့်ရမှာကို ကြောက်လာပြီ...။

“ငါတို့က အသိုင်းအဝိုင်းနဲ့နေတာ။ နင့်အဖေက '........' ။ နင်က ဒီလိုဖြစ်နေလို့ရမလား...။ ဂုဏ်သိက္ခာဆိုတာ ရှိသေးတယ်...။ ......................” ရပြီ ရပြီ။ ငါမှားတာပဲ နေမှာပါ...။ maybe ငါက ဒီအသိုင်းအဝိုင်းနဲ့ မထိုက်တန်လို့နေမှာပါ..။ လောကမှာ အဖြူရောင်ဆိုတာ မရှိတော့ဘူးလား..။ ဒါမှမဟုတ် အားလုံးကဖြူပြီး ငါတစ်ယောက်ပဲ မည်းနေတာလား...။ ရပါတယ်လေ..။ ငါပဲမှားပါတယ်..။ အချိန် အတိုင်းအတာတစ်ခုရောက်ရင်...။ အင်း..။ အချိန် တစ်ခုကို ရောက်လာရင်ပေါ့........။

အိပ်မက်=ရည်မှန်းချက်=ပန်းတိုင်=သုည

ဟိုငယ်ငယ်တုန်းက ဘာမှန်းညာမှန်းစသိကတည်းက ခုနှစ်တန်း ရှစ်တန်းလောက် ကစပြီး အသိဥာဏ်ထဲမှာ ရည်မှန်းချက် ဆိုတဲ့ ဟာလေး တစ်ခုပေါ်လာခဲ့ဖူးတယ်။ အဲဒီတုန်းကလဲ လူကြီးတွေက တွေ့တာနဲ့ “ကောင်လေး... ကြီးလာရင် ဘာလုပ်မှာလဲ” လို့ပဲ မေးကြတယ်လေ။

ကျွန်တော့်တစ်သက်မှာ ပထမဦးဆုံး ဖြစ်လာတဲ့ ရည်မှန်းချက်က ရုပ်ရှင်မင်းသားလုပ်ဖို့ဗျ။ ငယ်ငယ်တုန်းက အရမ်းနာမည်ကြီးချင်တာ။ ပြီးတော့ မင်းသားအလုပ်က လူလဲ သက်သာသေးတယ်။ ရေလဲ အင်မတန်လျှံတာလား။ ကိုယ်သွားတဲ့ နေရာတိုင်းမှာ ကိုယ့်ကို သိနေမယ်။ ကိုယ့်ကို လိုက်ကြည့်မယ်။ ရုပ်စွအဆုံးဗျာ။ လူသေရင်တောင် နာမည်မသေဘူးလေ။ ရုပ်ရှင်မင်းသားလုပ်ချင်တာက နည်းနည်းပါ။ နာမည်ကြီးချင်တာက ပိုမယ်။

အနာဂတ်???

ဆယ်တန်းလဲ ဖြေပြီးသွားပြီ..။ အောင်စာရင်းတွေလဲ ထွက်ပြီးသွားပြီ...။ အမှတ်တွေလဲသိပြီးသွားပြီ...။ ကဲ... ရွေးချယ်ရတော့မည်..။ ဘာတက်မှာလဲ...။

ရယ်ရတယ်...။ တွေ့တိုင်းမေးနေကြတယ်..။ “ဘာတက်မှာလဲ”..တဲ့..။ မေးတိုင်းဖြေနေရတယ်..။ မသိဘူးလေ လို့..။ အင်းလေဗျာ..။ ဒီနိုင်ငံမှာ တက်စရာဆိုလို့ ဘာရှိလို့လဲ...။ ဆေးအမှတ်မီရင် ဆရာဝန်လုပ်..။ ပိုက်ဆံလိုချင် သင်္ဘောသီး..အဲလေ.. သင်္ဘောသားလုပ်..။ ကျန်တာတွေ အားလုံး GTC သွား..။ ထန်းရည်သောက်..။ ဖဲရိုက်..။ ဒါပဲရှိကြတယ်..။