Saturday, December 17, 2011

All in the Family by Brian Warner


He hoped the tape recorder would still work. It was one of those small portable ones often used in schools or libraries. 

Teddy didn't even realize the irony of his action-Angie was in fact the one who had bought it for him. He wiped the hair and blood off the corner and released a sigh of frustration. "Mother will probably ground me from the television," he considered, looking to the mess he had made.

"Damn her. Damn them all. Why did she have to hurt Peg? Why?" Balefully, he kicked the corpse beside him. Her glazed eyes stared back at him with empty fascination. "You bitch. You killed Peg."

His sister's dead look gave no response. (He wondered why.) Her face looked so shadowed. He lifted her head up by her clotted hair and saw that it was dried blood on her cheek that created the mock shadow. He saw, too, that the dent in her skull had stopped gushing; the coagulated blood had formed a gelatinous plug.


Mother would be home soon. He would have to dig a grave.

Wednesday, October 26, 2011

The Birth of the Author


တချို့ကတော့ စာရေးဆရာ သေဆုံးသွားပြီလို့ ပြောကြတယ်။

ပြောချင်တာက စာပေအနုပညာတစ်ခုမှာ စာရေးဆရာက ရေးသားဖန်တီးပြီးတဲ့နောက်ပိုင်း စာရေးဆရာရဲ့ အခန်းကဏ္ဍဟာပြီးဆုံးသွားပြီဆိုတာပါ။ စာပေတစ်ခုကို ဖတ်ရှုတဲ့အခါမှာ အဓိပ္ပာယ်ဟာ စာဖတ်သူရဲ့ သိမြင်ရှုမှတ်မှုပေါ်မှာပဲ အခြေခံပြီး စာရေးသူနဲ့ မပတ်သက်တော့ဘူးဆိုတာပါ။ ဒယ်ရီဒါရဲ့ deconstruction အရ ဒီအဆိုကို ပြောကြတာထင်ပါတယ်။ ကျွန်တော်တို့ စာတစ်ပုဒ် ကဗျာတစ်ပုဒ်ကို ဖတ်တဲ့အခါမှာ ကျွန်တော်တို့ဟာ စာရေးသူ ချပြထားတဲ့ ဇာတ်ကြောင်းကို ဖတ်ပေမယ့် ကျွန်တော်တို့ရဲ့ဘာသာစကားအနက်ပြန်မှု context ဟာ ကျွန်တော်တို့ လက်ဝယ်မှာပဲ ရှိနေတယ် ဆိုတာပါ။ ဘယ်သူမှ စာတစ်ပုဒ် ကဗျာတစ်ပုဒ်ကို အစွဲကင်းကင်းနဲ့ မဖတ်နိုင်ပါဘူး။ ကျွန်တော်တို့ရဲ့ သိမှုတွေ၊ ယဉ်ကျေးမှုတွေ၊ ကျင့်ဝတ်တွေ ဘောင်အတွင်းကနေပဲ အနက်ပြန်ကြပါတယ်။ တကယ်လို့သာ လုံးဝအစွဲကင်းကင်းနဲ့ ဖတ်နိုင်ပြီဆိုရင်လည်း အဲဒီ စကားလုံးတွေဟာ အဓိပ္ပာယ်တစ်စုံတစ်ရာကို ကိုယ်စားမပြုနိုင်တော့ပဲ စာမျက်နှာပေါ်က၊ ဖန်သားပြင်ပေါ်က ဗျည်းနဲ့အက္ခရာတွေ အဖြစ်သာ မြင်ရပါလိမ့်မယ်။

Monday, October 17, 2011

ကားဂိတ် (မြင့်သန်း)

ကျွန်တော် အနားယူတော့မယ်လို့ စဉ်းစားတော့ ကျွန်တော့်နေရာကို ဆက်ခံမယ့်လူကို ရှာရတယ်။ ကျွန်တော့်တပည့်တွေထဲက တစ်ယောက်ယောက်ကို ရွေးရမှာပဲ။ ရွေးတယ်ဆိုတာကလည်း တက္ကသိုလ်ရဲ့ မူအရ။ အနားယူမယ့် ပါမောက္ခက သူ့နေရာအတွက် သင့်တင့်တဲ့ လူတစ်ယောက်ယောက်ရှာပြီး တက္ကသိုလ်ရဲ့ ကောင်စီကို အဆိုပြုရုံပဲ။ အဆိုပြုစရာ လူမရှိကာမှ တခြားမှာ လိုက်ရှာရတာ။ ကျွန်တော်တို့မှာက ဘွဲ့ကြိုသင်တန်းတွေကို သင်တာမျိုး မရှိဘူး။ ဘွဲ့လွန်နဲ့ သုတေသနလုပ်နေတဲ့ လူတွေလောက်ပဲ ရှိတယ်။ ကြီးကြီးကျယ်ကျယ်ပြောမယ်ဆိုရင်တော့ အသိပညာချင်း ဖလှယ်ကြတဲ့လူတွေရဲ့ ရပ်ဝန်းပဲ။ ကျွန်တော့်တုန်းကလည်း ကျွန်တော့်ဆရာက ရွေးတာပဲ။ သူ အနားမယူခင် နှစ်နှစ်လောက်ကတည်းက ကျွန်တော့်ကို ရာထားတာ။ အဲဒီကတည်းက ကျွန်တော်လည်း ကျွန်တော့်ဆရာအလုပ်တွေကို တွဲလုပ်ရတယ်။ တွဲလုပ်ရရုံမကဘူး သွားအတူ လာအတူ သဘောမျိုးနေရတယ်။ ကျွန်တော် သဘောအကျဆုံးကတော့ ညနေတိုင်း လမ်းလျှောက်ထွက်တဲ့အခါပဲ။ ပါမောက္ခတွေအတွက် ပေးထားတဲ့ အိမ်ကလေးဆီကနေ ဆရာကြီးက ထွက်လာတာကို ကျွန်တော်က သစ်ပင်အုပ်ကလေးတွေအောက်ဆီက ခုံတန်းကလေး တစ်ခုကနေ ထိုင်ရင်း စောင့်လေ့ရှိတယ်။ လေးနာရီ လေးနာရီခွဲလောက် ရှိမယ်။ နောက်တော့ သစ်ပင်အုပ်ကလေးအောက်က ဖြတ်လျှောက်ပြီး တက္ကသိုလ်ဝင်းရဲ့ အပြင်ဘက်ဆီ ထွက်ပြီး ရေကာတာ လုပ်ထားတဲ့ တာရိုးဘောင်ပေါ် တက်တယ်။ အဲဒီကနေ တာရိုးအတိုင်း အနောက်ဘက်တည့်တည့် လျှောက်ကြတယ်။ ကျွန်တော့်ဆရာမှာ နွေနွေ၊ မိုးမိုး၊ ဆောင်းဆောင်း ထီးတစ်လက်ပါတယ်။ များသောအားဖြင့် ဖွင့်ဆောင်းရတယ်လို့တော့ မရှိခဲ့ဘူး။ ကျွန်တော်ကလည်း ဘာလို့ ဆရာကြီးလက်ထဲမှာ ထီးကိုင်လာတယ်ဆိုတာကို တစ်ခါမှ မေးမကြည့်မိခဲ့ဖူးဘူး။ တာရိုးဆုံးတော့ ခုံတန်းကလေးတွေ ရှိတယ်။ တချို့က ရေကာတာဘက်ကို လှည့်ထားတယ်။ တချို့က ရေကာတာရဲ့ ဆန့်ကျင်ဘက်က ကားလမ်းဘက်ဆီ လှည့်ထားတယ်။ ကျွန်တော်နဲ့ ကျွန်တော့်ဆရာကြီးကတော့ ကားလမ်းဘက်ဆီ လှည့်ထားတဲ့ ထိုင်ခုံကလေးတွေမှာ ထိုင်လေ့ရှိကြတယ်။ ထိုင်ရင်း အောက်ဘက်မှာ သွားလာနေကြတဲ့ ကားတွေ လူတွေကို ငေးရင်း ဟိုအကြောင်း ဒီအကြောင်း ပြောလေ့ရှိကြတယ်။ တစ်ခါတလေတော့လည်း ခွေးနဲ့ လမ်းလျှောက်ထွက်လာတဲ့ မိန်းမ လှလှကလေးတွေကို ငေးကြည့်မိတတ်ကြတယ်။ တစ်ခါတလေ ဆရာကြီးပါးစပ်ထဲက ချစ်စရာအကောင်းသားလို့ ထွက်လာတယ်။ ခွေးကလေးကို ရည်ရွယ်ပြီး ပြောတာပဲလို့ ကျွန်တော် ထင်တယ်။ ကျွန်တော်ကတော့ ဘာမှပြန်မပြောဘဲ ပြုံးနေလိုက်မိတယ်။ ခွေးပဲ ဘာချစ်စရာရှိတာမှတ်လို့လို့တော့ ကိုယ့်ဘာသာ စိတ်ထဲမှာ ပြောလိုက်မိတယ်။ ပြီးတော့မှ အော် . . ငါ့ဆရာကြီးခမျာ ခွေးကလေး ကြောင်ကလေးကို ချစ်တတ်တဲ့အရွယ် ရောက်သွားပါပကောလို့ပဲ တွေးလိုက်မိတယ်။ အဲဒီတုန်းကတော့ ကျွန်တော် ကိုယ်တိုင်ကလည်း သန်တုန်းမြန်တုန်း ငါးဆယ့်သုံးဆိုတာလောက်ပဲ ရှိသေးတာကိုး။ ချစ်ရင်းချစ်တော့ လူပဲ ချစ်တော့မှာပေါ့။ လူတွေကို မချစ်နိုင်တော့မှပဲ တိရစ္ဆာန်ကို ချစ်ကြည့်ရမှာပဲ။ အဲဒီတုန်းကတော့ အဟိတ်တိရစ္ဆာန်ဆိုတာကို လူကချစ်တယ်ဆိုတာ သိပ်တော့ အဓိပ္ပာယ်မရှိလှဘူးလို့ ထင်ခဲ့တာပဲ။

ကျွန်တော်နဲ့ ကျွန်တော့်ဆရာကြီးတို့ အဲဒီမှာထိုင်ရင်း များသောအားဖြင့် အောက်ဘက်မလှမ်းမကမ်းနားဆီက ကားဂိတ်ဆီကို လှမ်းပြီးကြည့်နေမိတတ်မိတယ်။ ဘာကြောင့်မှန်းတော့မသိဘူး။ အဲဒီတုန်းကလည်း မသိခဲ့ဘူး။ ခုလည်း မသိသေးဘူး။ တစ်ခါတလေတော့ ဆရာကြီးက သက်ပြင်းချရင်း ကားဂိတ်အကြောင်း ပြောပြတယ်။ ပိုပြီး သေသေချာချာပြောရရင်တော့ အတိတ်တုန်းက ခုမြင်နေရတဲ့ ကားဂိတ်အကြောင်းပဲ။ ဆရာ ပါမောက္ခ မဖြစ်ခင်က ကားဂိတ်ဟာ ခုလို မဟုတ်ဘူး။ သစ်ပင်အုပ်ပဲ ရှိသေးတယ်။ ခုတော့ ကားစောင့်တဲ့လူတွေအတွက် အမိုးအကာနဲ့ အခိုင်အခန့်ပဲ။ ဒါတင် ဘာဟုတ်သေးလဲ။ ရေကာတာကြီးရဲ့ ဘောင်က ခုလို လမ်းလျှောက်ကောင်းလောက်အောင် ကျောက်ပြားတွေ ဘာတွေ ခင်းမထားသေးဘူး။ ခု ဆရာတို့ ထိုင်နေတဲ့ ခုံတန်းကလေးတွေလည်း မရှိသေးဘူး။ ခုလို မင်းနဲ့ဆရာ လမ်းလျှောက်သလိုပဲ ဆရာလည်း ဆရာ့ဆရာကြီးနဲ့ ညနေတိုင်း လမ်းလျှောက်ထွက်လေ့ ရှိတယ်။ ဒီနားရောက်တဲ့အခါ ရေကာတာတည်စဉ်က လှဲထားခဲ့တဲ့ သစ်ပင်ငုတ်တိုတွေပဲ ရှိတယ်။ အဲဒီအပေါ်မှာ ဆရာတို့ ထိုင်ကြတယ်။ ဘာမှလည်း သိပ်ကြည့်စရာမှ မရှိဘဲကိုး။ ဒီတော့ လမ်းမဘက်ကိုလှည့်ပြီး အဲဒီကားဂိတ်ကလေးကိုပဲ ကြည့်ရတယ်။ အဲဒီတုန်းကဆို ကားလမ်းက ခုလောက် မကျယ်သေးဘူး။ ဒါပေတဲ့ ကားစောင့်တဲ့ လူတွေကတော့ အမြဲလိုပဲ ရှိနေကြတယ်။ စနေ တနင်္ဂနွေလို နေ့မျိုးမှာတောင် ကားဂိတ်မှာ ကားစောင့်တဲ့လူတွေ ရှိနေတတ်တယ်။ ဘတ်(စ)ကားမျိုးစုံတော့ ရပ်တာပဲ။ ဒါပေတဲ့ စောင့်နေတဲ့လူတွေက သူတို့ သွားချင်တဲ့ခရီးကိုသွားတဲ့ ဘတ်(စ)ကားကိုမှ စီးကြတာဆိုတော့ ကားလာတိုင်း ကားပေါ်ကို စောင့်နေတဲ့လူတွေ အကုန်လုံး မတက်ကြဘူး။ လာတဲ့ကားတိုင်းကလည်း ရပ်စောင့်နေတဲ့လူတွေအားလုံး သွားချင်တဲ့ခရီးအတွက် မဟုတ်ဘူး။ ဒီတော့ ကားဂိတ်မှာ ကားစောင့်နေတဲ့ လူတွေဟာ အမြဲရှိနေတတ်တယ်။ ဒါတောင် အဲဒီတုန်းကဆိုရင် ကားစောင့်တဲ့လူတွေအတွက် ခုလို ထိုင်စရာတွေဘာတွေ မရှိသေးဘူး။ သစ်တုံး၊ သစ်ငုတ်တို၊ အုတ်ခဲ အကျိုးအပဲ့တွေပေါ်မှာ ထိုင်စောင့်ရတာ။ မိုးရွာရင် ထီးဆောင်းပေါ့ကွာ။ ညနေတိုင်း ဆရာနဲ့ ဆရာ့ဆရာကြီးတို့ ဒီနားဆီက ထိုင်ပြီးကြည့်ရင်း ကြာလာတော့ သတိထားမိလာကြတယ်။ ဒီကောင်ကလေးတစ်သိုက်ကဖြင့် တံဆိပ်အပြာနဲ့ကားပေါ် တက်မှာ။ ဒီလူကတော့ဖြင့် တံဆိပ်အစိမ်းနဲ့ကားပေါ် တက်မှာ။ ဒီသူငယ်မကလေးကတော့ဖြင့် တံဆိပ်အနီနဲ့ကားပေါ် တက်မှာ။ တစ်ခါတလေတော့လည်း တံဆိပ်အနီနဲ့ကားပေါ် တက်နေကျ ကောင်ကလေးနဲ့ တံဆိပ်အစီမ်းပေါ် တက်နေကျ ကောင်ကလေးတို့ နှစ်ယောက်သား တံဆိပ်အစီမ်းကားပေါ် အတူတူ တက်သွားကြရော။ ဒီတော့ ဆရာတို့လည်း ဒီနားကထိုင်နေရင်း တွေးကြည့်ကြရတယ်။ သူတို့နှစ်ယောက်သား ဘယ်ကိုသွားကြမှာလဲ၊ ဘာဖြစ်လို့လဲ၊ ဘာလုပ်ကြမှာလဲ . . စသဖြင့် အမျိုးစုံ တွေးကြည့်ကြတာပဲ။ နောက်တစ်နေ့ရောက်တော့ သူတို့ အတူတူကားစီးကြသေးလား မစီးကြတော့ဘူးလား။ အပြာရောင်တံဆိပ်နဲ့ကားကိုစီးတဲ့ ကောင်ကလေးထဲက ဘယ်နှစ်ယောက်များ ဒီနေ့ ကားမစောင့်တာရှိသလဲဆိုပြီး ကြိုတွေးကြည့်မိကြတယ်။ တစ်နေ့တော့ ဆရာ့ဆရာကြီးက မေးတယ်။ လူတွေဟာ နေ့တိုင်းလို ကားဂိတ်မှာ ကားလာစောင့်တာ ဘယ်သွားတယ်လို့ မင်းထင်သလဲတဲ့။ ဆရာကတော့ ဘယ်ဖြေတတ်မှာတုန်း။ ပြုံးပဲနေလိုက်ရသတဲ့။

Saturday, September 24, 2011

ကိုယ်ပိုင် စာကြည့်တိုက်

 ပညာဆိုတာ အင်မတန် တန်ဖိုးကြီးပါတယ်။ ပညာရှိရင် ဘာမဆိုဖြစ်ပါတယ်။ လက်ဖက်ရည်ဆိုင် မှာ ငြင်းတဲ့အခါ နိုင်အောင်ငြင်းနိုင်ရုံမက နိုင်ငံတစ်နိုင်လုံးကိုပါ ဦးဆောင်နိုင်ပါတယ်။ ပညာအများစုဟာ စာအုပ်တွေထဲမှာ ရှိပါတယ်။ စာများများဖတ်လေ၊ အတွေ့အကြုံပိုရှိလေ၊ ပိုစဉ်းစားတတ်လာလေ၊ ပညာရှိလေပါပဲ။ ကျွန်တော်ကတော့ အသက်ကို ပညာနဲ့တိုင်းပါတယ်။ ဒါကြောင့် စာအုပ်တွေဟာ ဘဝမှာ အရေးပါဆုံး အခန်းကဏ္ဍကနေ ပါဝင်နေပါတယ်။

နိုင်ငံတစ်နိုင်ငံ တိုးတက်ဖို့ရာ နိုင်ငံသားတွေ ပညာတတ်ရေးပါ အရေးပါဆုံးပါ။ နိုင်ငံသားတွေ ပညာတတ်ရန် စာကြည့်တိုက်တွေဟာ လိုအပ်ပါတယ်။ အခု မြန်မာပြည်မှာ ကျေးရွာစာကြည့်တိုက်တွေ၊ မြို့နယ်စာကြည့်တိုက်တွေ ဗုံးပေါလအော ဖွင့်နေတာ သတင်းစာထဲမှာ တွေ့ရပါတယ်။ အောင်မြင်သလား မအောင်မြင်သလား မသိပါ။ ကျွန်တော် စဉ်းစားကြည့်ပါတယ်။ ဘယ်လိုကူညီနိုင်မလဲပေါ့။ အလှူငွေထည့်ဖို့လဲ အပိုငွေမရှိပါ။ အမြတ်တနိုး စုဆောင်းထားတဲ့ စာအုပ်တွေ လှူပစ်ဖို့ဆိုတာကလဲ မလွယ်ပါဘူး။ ဒါကြောင့် နိုင်ငံတော်တိုးတက်ရေးကို ကူညီပေးတဲ့အနေနဲ့ ကိုယ်ပိုင်စာကြည့်တိုက် လုပ်ဖို့ စဉ်းစားကြည့်ပါတယ်။

Saturday, September 17, 2011

Long Hard Road Out of Hell


I have always been a huge fan of Marilyn Manson. I loved his music, performance, writings, appearance, well, everything. I admired him and in the same level as Hitler, Mao, and even Nietzsche and Karl Marx. Because he is the only individual of our age who is so powerful and strong. I was heavily influenced by him since I was a kid. Actually, my interest in philosophy, religion, fame, and freedom started with listening to him. His lyrics struck me in the head. I admired him, appreciated him. It is normal for me to have interest in the life of a man who I admire.

Through the reading of his book, I became to understand him more than ever. His ideas, his life, his experiences, his philosophy, I can see them clearly in his book. His life is a story of a worm, who is scared and abused, struggle his way up to get wings and became a hero, Antichrist.

Tuesday, September 6, 2011

Franz Kafka's The Trial Review

It's been a long time since i update this blog. The reason is I simply don't have any inspiration these days. (or maybe I'm not trying to write) Just as in my last short-story, my life-course is repeated with same schedule everyday and then I'm lost. Still, there are some drafts which are just some paragraphs or comments. Here is one of these, a review I wrote on Goodreads.com, which maybe my last straw to regain my inspiration. I hope I can update again one or twice per week.

P.S. I will try to avoid sophisticated tone in my later submissions and try to act like just another blogger ;D



Kafka's another attempt to make fun of living a life. This time with the Trial. One morning, you are accused with unknown crime and live your life as a criminal, everyday is the trial. You can't do anything to defend. You can't run, you can't hide. You desperately search for help but that, too, is hopeless. The Law is above everything. (Heavenly law?) Later, you will realize that you can't do anything to it and finally wait for the judgement, and accept it. That is Kafka's version of life.

In this story, Kafka's symbolism is impressive. It reflects on religion, life, law, even political status of Germany in his era. The young has lost hope, the court is unreliable, the court officials are the worst of all. I'm afraid it, too, reflects the current state of Burma today.

Thursday, June 2, 2011

ကျေးလက်ဆရာဝန်

ဤအရေးအသားမှာ ကာ(ဖ)ကာ 1919 ခုနှစ်က ထုတ်ဝေခဲ့သော အရေးအသားဖြစ်သည်။ သူ၏ ဝတ္ထုတိုပေါင်းချုပ်စာအုပ် ခေါင်းစဉ်အမည်လည်း ဖြစ်သည်။ မူရင်း ဂျာမန်ဘာသာစကားမှ အင်္ဂလိပ်ဘာသာပြန်သူ အများအပြားရှိရာ ယခု အရေးအသားတွင် Malaspina University-College မှ Ian Johnston ၏ မူကို ဘာသာပြန်ထားခြင်း ဖြစ်သည်။ ဘာသာစကား တည်ဆောက်ပုံအခြေခံ မတူညီသော အင်္ဂလိပ်မှ မြန်မာသို့ ဘာသာပြန်ဆိုရာတွင် အကြောင်းအရာကိုသာ အနီးစပ်ဆုံး ပြန်လည်ဖော်ပြနိုင်ပြီး “အရေးအသား” မှာ ပျောက်ဆုံးသွားတတ်ကြသည်။ အင်္ဂလိပ်တို့၏ ဘာသာစကား ဘောင်အတွင်းမှသာ နားလည်နိုင်သော အသုံးအနှုန်းများ၊ ဝါကျများ၊ ဘန်းစကားများမှာ ရှိတတ်စမြဲဖြစ်သည်။ ကျွန်တော် ဘာသာပြန်ဆိုထားခြင်းမှာ အကြမ်းထည်မျှသာဖြစ်ပြီး တကယ့် ကာ(ဖ)ကာကို မတွေ့နိုင်။ ထို့ကြောင့် တတ်နိုင်လျှင် မူရင်း ဂျာမန် အရေးအသားကိုသာ ရှာဖွေဖတ်ရှု စေချင်သည်။ ဂျပန်မှလည်း ကာတွန်းပြန်ဆွဲထားသည်။ ယခု ကျွန်တော် ဘာသာပြန်ထားသော အင်္ဂလိပ် အရေးအသား မူရင်းကို ဤနေရာတွင် ဖတ်ရှုနိုင်ပါသည်။ http://records.viu.ca/~johnstoi/kafka/countrydoctor.htm

Friday, May 6, 2011

ဘာသာပြန်တဲ့ကိစ္စ

ဗျို့ ဦးတေဇာ

ကျွန်တော် ဟိုနေ့ညက အင်တာနက်လိုင်း ပြတ်တောက်သွားလို့ ပြောနေတာလေး မပြီးမပြတ် ဖြစ်သွားရတာကို အခု နည်းနည်းတော့ ဆက်ပြောချင်တယ်။ ကျွန်တော် ဘာသာပြန်တဲ့ ကိစ္စမှာ မကျွမ်းကျင်သလို ဘိုစာကိုလည်း တစ်ဖက်ကမ်းခတ် တတ်မြောက်ထားတဲ့သူ မဟုတ်ပါဘူး။ စာဖတ်သူတစ်ယောက်ရဲ့အမြင်၊ လမ်းပေါ်က လူတစ်ယောက်ရဲ့ အတွေးနဲ့ ဆွေးနွေးကြည့်တာပါပဲ။

ဘာသာရပ်ဆိုင်ရာ အရေးအသားတွေကို ဘာသာပြန်တဲ့ကိစ္စဟာ တော်တော်မလွယ်တဲ့ ကိစ္စပါ။ အထူးသဖြင့် Philosophy လို ဘာသာရပ်မျိုးပေါ့။ ဦးလေးသိတဲ့အတိုင်း Philosophy ဟာ နဂိုကတည်းက သဘောတရား ရှုပ်ထွေးတဲ့အပြင် စကားလုံး အသုံးအနှုန်းတွေကလည်း ခက်ခဲပါတယ်။ ဒီလိုဟာမျိုးကို ဘာသာစကား ဖလှယ်ပြီး ပြန်လည်တင်ပြဖို့ဆိုတာ တော်တော်မလွယ်ပါဘူး။ ဒါပေမယ့်လည်း Philosophy မှာ စကားလုံး/စာလုံးတွေက အရေးကြီးဆုံး ဖြစ်နေလေတော့ ဘာသာစကားနဲ့လည်း ကင်းကွာလို့ မဖြစ်ဘူး။ (သင်္ချာမှာလို သင်္ကေတနဲ့ ရှင်းပြဖို့ဆိုတာ မဖြစ်နိုင်ဘူး။) ဒီတော့လည်း Philosophy ကို ဘာသာပြန်တဲ့ အခါမှာ အဓိပ္ပာယ်တိကျမှုက လိုအပ်ချက် တစ်ခုပဲ။ စကားလုံး/စာလုံး တစ်ခုဟာ အယူအဆ၊ အဓိပ္ပာယ် ကွဲပြားသွားနိုင်တာပဲ။

Thursday, April 28, 2011

အောက်မှာ နေရာလွတ်တွေ အပုံကြီးရှိတယ် (မြင့်သန်း)

ပါမောက္ခ ဖင်း(န)မဲင်း Richard Feynman က ၁၉၅၉ က ဟောပြောခဲ့တဲ့ နာမည်ကျော် There’s Plenty of Room at the Bottom ကို ကျွန်တော် ၁၉၈၄ ခုနှစ်ကျမှ ကြားဖူးတယ်။ မဆီမဆိုင်ပြောတဲ့သူက ကျွန်တော်တို့ကို ရှေးဟောင်းဂရိ အတွေးအခေါ် သင်ကြားတဲ့ ပါမောက္ခ မီလော့(စ) ဆိုတဲ့ ပုဂ္ဂိုလ်ကြီးပဲ (ခုတော့ ဆုံးသွားရှာပြီ)။ ဘာမျှထွေထွေ ထူးထူးမပြောဘဲ ရှာဖတ်ကြည့်ကြစမ်းလို့ပဲ ပြောတယ်။ အဲဒီတုန်းက ကျွန်တော်တို့ ဆယ်ယောက်လောက်ရှိတယ်။ စာကြည့်တိုက်မှာ သွားကော်ပီကူးပြီး ကျွန်တော်တို့အားလုံး စာကြည့်တိုက်ထဲက ကော်ဖီဆိုင်မှာ ကော်ဖီသောက်ရင်း ဖတ်ကြည့်ကြတယ်။ ကျွန်တော်တို့အချင်းချင်း တစ်ယောက်မျက်နှာ တစ်ယောက်ကြည့်ပြီး ခေါင်းခါမိကြတယ်။ တကယ်တော့ ကျွန်တော်တို့လေ့လာနေတဲ့ အကြောင်းအရာ အကြောင်းရပ်တွေနဲ့ ဘာမှမဆိုင်ဘူး။ ဖင်း(န)မဲင်းက ရူပဗေဒ အခြေခံနဲ့သိပ္ပံပညာအကြောင်း ဟောပြောခဲ့တာ။ နောက်တစ်ပတ်ကြာတော့ အဖိုးကြီး မီလော့(စ)ကို မေးကြည့်ကြတယ်။ ဒီတော့ သူက “ငါပြောချင်တာ ဖင်း(န)မဲင်းရဲ့အမြင်မှာ အခြေခံပေးတဲ့ သူ့ ကောန်တက်(စ) Context အတိုင်းမဟုတ်ဘူး။ ဒဿနိကဗေဒ၊ ဒဿနစနစ်တွေ အခြေအနေတော်တော်များများမှာလည်း အောက်ခြေမှာ နေရာလွတ်တွေ ရှိသေးတယ်။ ဖြည့်စရာနေရာတွေကျန်သေးတယ်။ ဖြည့်နိုင်တာဖြည့်ဖို့ပဲ” လို့ ပြောပြီး သူရဲ့ဆိုလိုရင်းကို ရှင်းပြတယ်။ တကယ်တော့ ဖင်း(န)မဲင်းရဲ့အမြင်ကို ထောက်ခံရင်း တခြားတစ်ဖက်က ကြည့်တာပဲ။

နောက် ငါးနှစ်လောက်ကြာတော့ ဥရောပမှာ ဘာသာစကား၊ ဘာသာဗေဒအကြောင်း လေ့လာနေတုန်း ဒီစကားကို ထပ်ကြားရပြန်တယ်။ ဒီတစ်ချီတော့ ကျွန်တော်ရိပ်မိနေပြီ။ ခင်ဗျားဆိုလိုတာ ဘာသာဗေဒရဲ့အခြေခံမှာ ဖြည့်နိုင်တဲ့နေရာလွတ်တွေ အများကြီးရှိနေသေးတယ်ဆိုတာပဲ မဟုတ်လားလို့ ကထိကမကြီးကို မေးလိုက်မိတယ်။ သူက ဝန်ခံတယ်။ အတော်များများကတော့ မသိကြလို့ ၁၉၈၄ ခုနှစ်မှာ ကျွန်တော် ကြုံခဲ့ရသလို အပြေးအလွှားစာကြည့်တိုက်သွားပြီး ရှာဖွေဖတ်ခဲ့ကြရတယ်။ ဖင်း(န)မဲင်းရဲ့ ဟောပြောချက်ခေါင်းစဉ်က ဒီရွေ့ဒီမျှနဲ့ မပြီးဘူး။ ကျွန်တော်နဲ့ ထပ်တိုးရပြန်တယ်။ ၂၀၀၅ မှာ မဟာဗျူဟာနဲ့ ပတ်သက်လို့ ပညာရှင် ပုဂ္ဂိုလ်ကြီးတစ်ဦးက ရှင်းပြနေတုန်း ညွှန်းပြန်တာ ကြားရပြန်တယ်။ သူက ပညာရှင်ဆိုပေတဲ့ တက္ကသိုလ်ပညာရပ်ဆိုင်ရာ အဆောက်အအုံထဲက လာတာမဟုတ်ဘူး။ အချက်အလက် ကောက်ခံရေး စိစစ်ရေးနဲ့ပတ်သက်တဲ့ မဟာဗျူဟာပိုင်းကလာတာ။ ဥရောပစစ်အေးကာလရဲ့ အတွေ့အကြုံတွေ ရှိခဲ့တဲ့လူ။ ဟိုတယ်က သူ့အခန်းမှာ ကျွန်တော်တို့လေးငါးယောက်နဲ့ စကားပြောရင်း ရှင်းပြတုန်း ဖင်း(န)မဲင်းပြောတာ ကြားဖူးတယ်မဟုတ်လို့ အစချီရင်း ပြောပြန်တယ်။ ဆိုလိုရင်းကတော့ ဖင်း(န)မဲင်းရဲ့ ခေါင်းစဉ်လိုပဲ။ ကောန်တက်(စ)ကတော့ မတူဘူး။ အောက်မှာနေရာလွတ်တွေ အပုံကြီးရှိနေတယ်လို့ သတိပေးတာပဲ။

Friday, April 22, 2011

လူနှင့်သူ၏လိုအပ်မှု (မြင့်သန်း)

နောက်ဆုံးတော့ အစည်းအဝေးခန်းထဲက အေဒရီယံနဲ့ ကျွန်တော် ထွက်လာခဲ့တယ်။ အခန်းရဲ့ ပြင်ဘက်နားရောက်တာနဲ့ ဘာနဘီနဲ့ တွေ့တယ်။ ဘာနဘီက အရေးကြီးတဲ့လူတွေအတွက် လုံခြုံရေးတာဝန် ယူရတဲ့လူ။ အရင်က ကမာန်ဒို လုပ်ခဲ့ဖူးတော့ အလုပ်က ထွက်ခွင့်ရတာနဲ့ ကိုယ်ပိုင် လုံခြုံရေးကုမ္ပဏီကလေး ထောင်တယ်။ အပေါင်းအသင်း အဆက်အသွယ်ကောင်းတော့ အောင်မြင်တယ်။ တက္ကသိုလ်က ဘွဲ့ရထားတဲ့သူမို့လည်း အမြော်အမြင်ရှိတယ် ပြောရမှာပဲ။ အေဒရီယံနဲ့ ကျွန်တော်တို့နှစ်ယောက်သား အားတဲ့အခါ အချိန်ပိုင်းသင်ကြားပေးတဲ့ သင်တန်းတွေလည်း ကြိုးစားတက်လေ့ရှိတယ်။ ကျွန်တော်တို့ သင်တန်းတွေက အိုင်ကျူစစ်ပြီးမှ လက်ခံတော့ ဘာနဘီ တက်ခွင့်ရတာကို ကြည့်တာနဲ့ သူ့ အနည်းဆုံး အိုင်ကျူဘယ်လောက်ရှိမယ်ဆိုတာ တွေးလို့ရတယ်။ ခုချိန်အထိ တစ်မိနစ်ကို စာလုံးရေ သုံးရာ၊ သုံးရာ့ငါးဆယ်လောက် ဖတ်နေနိုင် သေးတယ်ဆိုကတည်းက ဘာနဘီဟာ လူညံ့တော့ မဟုတ်ဘူး။ လုပ်ဖော်ကိုင် ဖက်မဟုတ်ပေတဲ့ ကျွန်တော်တို့ကို လေးစားတဲ့ မိတ်ဆွေကောင်းတစ်ယောက်ပဲ။ ဘာကြောင့်မှန်းတော့ မသိဘူး။ တခြား လူတစ်ယောက်ရဲ့ အသက်ရှင်နေနိုင်ရေးဟာ သူ့မှာ တာဝန်ရှိတယ်ဆိုတာ ယုံယုံ ကြည်ကြည် လက်ခံထားတဲ့ လူတစ်ယောက်ပဲ။ တစ်ခါတလေ ကျွန်တော်တို့ သိချင်တာကလေးတွေ သိချင်တဲ့ အဆက်အသွယ်တွေ သူ့ဆီက ရနိုင်တယ်။ အလုပ်ပြီးသွားကြပြီလားလို့မေးရင်း ကလယ်တော့ ဟိုဖက်အခန်းထဲမှာ ရှိတယ်လို့ သူက လှမ်းပြောတယ်။ ကလယ်က ကျွန်တော်တို့အဖွဲ့ရဲ့ အတွင်းရေးမှူး။

ပြီးသွားပြီကွာ။ ပြီးသွားတာပဲ ကျေးဇူးတင်နေရသေးတယ်လို့ အေဒရီယံက ပြန်ဖြေလိုက်တယ်။ ကျွန်တော်တောင် ဒီကိုရောက်နေတာ နှစ်ပတ် ကျော်သွားပြီလို့ ဘာနဘီက ထပ်ပြောပြီး ပြန်ကြတော့မှာလား မေးလိုက်တယ်။ အေဒရီယံက မဖြေဘူး။ ကျွန်တော့်ကို လှမ်းကြည့်နေတယ်။ ကျွန်တော်လည်း စိတ်ထဲမှာရှိတာ ဖွင့်ပြော လိုက်မိတယ်။ အလုပ်ကတော့ ပြီးပြီကွာ။ တစ်နေရာရာ သွားချင်တယ်။ အိမ်ပြန်လည်း နှင်းဆီပင်တွေရေလောင်း။ ကြောင်ကို အစာကျွေး။ ဒါပဲ လုပ်စရာရှိတယ်။ တစ်နေရာရာကို သွားပြီး ဘာမျှမလုပ်ဘဲ ထိုင်နေချင်တယ်လို့ ပြောလိုက်မိတယ်။ ချက်ချင်းဆိုသလိုပဲ အေဒရီယံက ဒါကတော့ မိန်းမယူမိတဲ့ လူတွေရဲ့ ဒုက္ခတစ်ခုပဲ။ ချစ်ခြင်းရဲ့ နောက်ဆက်တွဲအကျိုးတရားတွေကို ပေါ့ပေါ့တန်တန် တွေးခဲ့မိတဲ့လူတွေ ကြုံရတတ်တဲ့အကျိုးဆက်တွေပေါ့ကွာလို့ ပြောပြီး ခဏရပ်နေလိုက်တယ်။ ပြီးမှ မင်း စိတ်ကူးကိုတော့ ငါလည်း သဘောအကျသား။ ငါရော လိုက်ခဲ့လို့ရမလားလို့ မေးတယ်။ လိုက်ချင်လိုက်ခဲ့ပေါ့။ လိုက်တာမလိုက်တာက မင်းရဲ့လွတ်လပ်ခွင့်။ မင်းရဲ့အခွင့်အရေးပဲ။ ဒါပေတဲ့ ငါ့ရဲ့စိတ်ကူးအတွက်ကတော့ တန်ရာတန်ကြေး မင်းပေးရမယ်။ ပီနိုနွား တစ်လုံးကောင်းကောင်း မင်းဝယ်တိုက်ရမယ်လို့ ပြောတော့ အေဒရီယံက ကျွန်တော့်ကို ဘာမျှပြန်မပြောဘဲ ဘာနဘီကို ကြည့်ပြီး ပြုံးပြရင်း ကျွန်တော့်ဖက်ကို လက်ညှိုးထိုးပြနေတယ်။ မြင်ရဲ့မဟုတ်လားလို့ သူက ပြောချင်တာပဲ။ ဘာနဘီကလည်း ပြုံးတယ်။ ပြီးမှ သူက ဦးနှောက်ရောင်းစားနေတဲ့လူ။ ဦးနှောက်အတွက် အဖိုးအခကို မင်းပေးရမှာပေါ့လို့ ပြောရင်းရယ်တယ်။ ဒီတော့မှ အေဒရီယံက အိုကေလို့ ပြောပြီး ဘယ်သွားမှာလဲလို့ တစ်ဆက်တည်းမေးတယ်။

Friday, April 1, 2011

မမျှော်လင့်ဘဲ အတိတ်မေ့နေတဲ့ လူ

ကျွန်တော် အပြင်ထွက်ပြီး စာမရေးဖူးဘူး။ အိမ်မှာပဲ ရေးတာများတယ်။ လုံးဝကို မရေးဖူးတာတော့ မဟုတ်ဘူးရယ်။ အပြင်ရောက်နေတုန်း တစ်ယောက်ယောက်ကို စောင့်နေတုန်း အချိန်တွေမျိုးမှာ ရေးခဲ့ဖူးတယ်။ စာတစ်ပုဒ် ကဗျာတစ်ပုဒ်လုံးတော့ မဟုတ်ဘူး။ တစ်ကြောင်းစ နှစ်ကြောင်းစ အတိုအစလေးတွေ မှတ်စုသဘောမျိုးပဲ ရေးခဲ့ဖူးတယ်။ တစ်ခါတစ်ရံမှာ စာရေးဆရာ တစ်ယောက်တလေ ပန်းခြံတို့ ကော်ဖီဆိုင်တို့မှာ စာရေးနေတာ တွေ့ရဖူးတယ်။ ပန်းခြံလို နေရာမျိုးမှာ စာရေးတာက နားလည်နိုင်ပေမယ့် ကော်ဖီဆိုင်လိုမျိုး ဆူညံနေတဲ့ နေရာမျိုးမှာ စာရေးတဲ့သူတွေကို နားမလည်နိုင်ဘူး။ စာရေးဖို့ဆိုတာ အာရုံစူးစိုက်နိုင်ဖို့ လိုမယ်တော့ ထင်တာပဲ။ ကျွန်တော် အိမ်မှာရေးရင်တောင် အသံဆူတဲ့ နေခင်းပိုင်းမှာ မရေးတတ်ဘူး။ ညနက်တဲ့အချိန်ရယ် မနက်ခင်း အစောကြီးတွေရယ် အဲလိုအချိန်မျိုးမှ ရေးလို့ရတယ်။ တိတ်ဆိတ်နေတဲ့ အချိန်တွေပေါ့။

ဒီနေ့တော့ အပြင်မှာ စာတစ်ပုဒ်လောက် ဖြစ်ဖြစ်မြောက်မြောက် ရေးဖူးအောင်လို့ ရေးမယ်လို့ စဉ်းစားမိလို့ ပန်းခြံကို ထွက်လာခဲ့တယ်။ ကျွန်တော် သူငယ်ချင်း တစ်ယောက်ကလည်း အပြင်မှာ စာရေးရတာ ပိုကောင်းတယ်လို့ ပြောဖူးတယ်။ ပန်းခြံကိုရောက်တော့ ညနေစောင်းတော့မယ်။ နေသိပ်မပြင်းတော့တဲ့အချိန်။ ရန်ကုန်မြို့ရဲ့ နွေရာသီမှာ တော်ရုံအရေးမကြီးရင် ကျွန်တော်က အပြင်မထွက်ဘူး။ နေပူရင် လူ့ရဲ့စိတ်က ဂနာမငြိမ်နဲ့ အလိုလိုနေရင်း စိတ်တိုသလိုလို စိတ်ညစ်သလိုလို ဖြစ်နေတတ်တယ်။ ဒါကြောင့် နေမြင့်လေ အရူးရင့်လေလို့ ပြောကြတာ နေမယ်။ နေပူတဲ့နေ့တွေဆို ကျွန်တော် အပြင်ထွက်လေ့ မရှိဘူး။ ညနေစောင်းခါနီးအချိန်မှာတော့ နေအပူရှိန် လျော့သွားရင် ထွက်ဖြစ်တယ်။

Tuesday, March 15, 2011

ဘဝတဏှာ

ပုံရိပ်တွေပါပဲ...
ခင်ဗျားလဲ တကယ်မရှိနိုင်ပါဘူး။

အာရုံငါးပါးကို သတိထားမိတယ်
ချစ်ခြင်း၊ မုန်းခြင်း၊ ခံစားချက်တွေလဲပါတယ်
ဒီအိပ်မက်က တစ်ဘဝစာ ရှည်တယ်
ဝန်ခံရရင်ဖြင့်
ဒီအိပ်မက်လေး ပြီးဆုံးသွားမှာ ကြောက်နေမိတယ်...။

Sunday, March 13, 2011

ဝိရောဓိအဆိုသင့်နေသော အရေးအသားများ

ကျွန်တော် ဤစာကြောင်းကို စတင်ရေးလိုက်သည့် အချိန်မှ စတင်၍ ကျွန်တော့်တွင် မသိစိတ်များကသာ လွှမ်းမိုးသွားပါသည်။ တစ်နည်းအားဖြင့် ဆိုရလျှင် ကျွန်တော် ဤစာသားများကို ရေးနေခြင်းမှာ မသိစိတ်ဖြင့် ရေးနေခြင်းသာ ဖြစ်သည်။ သိစိတ်ဖြင့် ရေးသားနေခြင်း မဟုတ်ပါ။ သို့သော် ထိုသို့ ပြောလိုက်ခြင်းသည် ကျွန်တော့်၏ လိမ်လည်မှုတစ်ရပ်သာ ဖြစ်ကြောင်းကို သင်သိသလို ကျွန်တော်လည်း သိပါသည်။ စင်စစ် “မသိစိတ်ကို သိနေသည်” ဟူသော ဝါကျမှာ ဝိရောဓိအဆိုတစ်ခုသာ ဖြစ်ပါသည်။ ထို့ကြောင့် အကယ်၍ ကျွန်တော်သာ မသိစိတ်ဖြင့် ဤစာကြောင်းများကို ရေးနေသည် ဆိုပါလျှင် ထိုအကြောင်းကို ကျွန်တော်သည် မည်သို့မျှ မသိနိုင်ပါ။ ဤစာသားများကိုလည်း မည်သို့မျှ ရေးသားနိုင်မည် မဟုတ်ပါ။ ကျွန်ုပ် မသိသောအရာကို ကျွန်ုပ်က မည်ကဲ့သို့ ဖော်ပြနိုင်မည်နည်း။ ထို့ကြောင့် ဤ အရေးအသား တစ်ခုလုံးမှာ ဝိရောဓိအဆိုသင့်နေသော အရေးအသားများသာ ဖြစ်ပါသည်။

မနက်ဖြန် သတင်းစာကို ယနေ့ဖတ်ခြင်း မှစ၍ ဝိရောဓိအဆိုသင့်နေသော အကြောင်းအရာပေါင်းများစွာ ရှိပါသည်။ ဥပမာ ဆိုရလျှင် သင်မရေးတတ်သော စာလုံးကို ရေးကြည့်ပါ။ သင် မသိသောအရာ အကြောင်းကို ပြောပြပါ။ ထိုသို့သော ကိစ္စများသည် ကိုယ့်တံတောင်ဆစ်ကိုယ် လျှာဖြင့်လျှက်ကြည့်သလို အပြောလွယ်၍ လက်တွေ့မကျသော ကိစ္စများသာ ဖြစ်သည်။ မည်သို့ပင် ဖြစ်စေကာမူ ဝိရောဓိများကို ကျွန်တော် ချစ်သည်။ ဝိရောဓိများတွင် တစ်နည်းတစ်ဖုံဖြင့် သူတို့၏ အလှအပများ တည်ရှိနေသည်။ အနည်းဆုံး ၎င်းတို့အကြောင်း စဉ်းစားရခြင်းသည် စိတ်ကျေနပ်မှု တစ်စုံတစ်ရာကို ပေးစွမ်းနိုင်သောကြောင့် ဖြစ်နိုင်ပေသည်။

Saturday, February 26, 2011

ပျော်တယ်ဆိုတဲ့ကိစ္စ (မြင့်သန်း)

ငယ်ငယ်က အဖေရယ်၊ ဘကြီးသုခရယ်၊ ဦးလေးခန့်ရယ် ဘုန်းကြီး ဦးအဂ္ဂရဲ့ ဖိုရုံကလေးမှာ ထိုင်စကားပြောကြရင်း ငြင်းကြတဲ့ အကြောင်းတစ်ခုရှိတယ်။ "ပျော်တယ်" ဆိုတဲ့အကြောင်းပဲ။ ဘာရယ်တော့ မဟုတ်ဘူး။ ရေနွေးကြမ်းသောက်ကြရင်း စကားအူပေါက် လျှောက်ပြောကြရာက အဲဒီအကြောင်းကို ပြောလေ့ရှိကြတာပဲ။ ဦးလေးခန့်ကတော့ ကျောင်းဆရာပေတဲ့ စကားနည်းတယ်။ (အဖေတို့တစ်တွေဟာ ကျောင်းဆရာဘဝက လာကြတာချည်းပဲ။ ဦးလေးခန့် တစ်ယောက်သာ သေတဲ့အထိ ကျောင်းဆရာ လုပ်သွားတာ။) သူက နားထောင်တာ များတယ်။ ကျွန်တော်ကတော့ အဖေနဲ့ ဘကြီးသုခတို့နှစ်ယောက်သား စကားအချေအတင်ပြောရင် သဘောကျတယ်။ ကျွန်တော် သဘောကျတဲ့ အဓိကအချက်တစ်ခုကတော့ အဖေနဲ့ ဘကြီးသုခတို့နှစ်ယောက်ရဲ့ ကျောထောက်နောက်ခံအမြင်ဟာ လုံးလုံးကို မတူဘူး။ အဖေက ဘာသာရေးမှာ အခြေခံတယ်။ ဘကြီးသုခက လွတ်လပ်စွာ တွေးခေါ်မှုမှာ အခြေခံတယ်။

အဖေနဲ့ ဘကြီးသုခတို့ပြောတဲ့ "ပျော်တယ်"၊ "မပျော်ဘူး"။ "လူဘယ်လိုပျော်သလဲ"၊ "လူပျော်နိုင်သလား" ဆိုတာတွေကို အရှည်အကျယ် စဉ်းစားမကြည့်ခဲ့မိဖူးဘူး။ ခေါင်းထဲမှာတော့ ရှိနေတယ်။ မဟုတ်ရင် ဦးနှောက်ရဲ့ နောက်ကျော တစ်နေရာမှာ ရှိနေခဲ့ပုံပဲ။ အထူးသဖြင့် အသက်ကြီးလာတော့ လူငယ်တွေ ပျော်တာတွေ့ရင် ငါကော ဒီလိုပျော်ဖူးသလားဆိုတဲ့ မေးခွန်းက ပေါ်လာတတ်တယ်။ မနှစ်ကတော့ ခရီးသွားရင်း ကျွန်တော့်ဇနီးရယ်၊ ကျွန်တော့် မိတ်ဆွေရယ်၊ ကျွန်တော်ရယ် ထိုင်ပြီး စကားပြောဖြစ်ကြတယ်။ အဲဒီတုန်းမှာ မိတ်ဆွေက တို့ ဘယ်တော့လောက် ဟိမဝန္တာတောင်ခြေ သွားကြမလဲလို့ မေးတယ်။ သူက အတည်ပြောတာ။ ဇနီးသည်က ရှင်လည်း အဲဒီစာရင်းထဲ ပါသွားပြီလားလို့ မိတ်ဆွေကို ကြားဖြတ်မေးတယ်။ ပြီးတော့ ကျွန်မလည်း သူ့ကို သွားစေချင်ပါတယ်လို့ ဆက်ပြောတယ်။ မိတ်ဆွေကတော့ ပြန်မဖြေဘဲနေပြီး ခေါင်းခါတယ်။ ခေါင်းခါတယ်ဆိုတာကလည်း ခက်တော့ အခက်သား။ ဒါပေတဲ့ ကျွန်တော့်မိတ်ဆွေ ခေါင်းခါတာကတော့ မကောင်းစိတ်နဲ့ ဆန့်ကျင်စိတ်နဲ့ မဟုတ်ဘူးဆိုတာ ကျွန်တော် ယုံတယ်။

Friday, February 25, 2011

ဒဿနိကအရှုပ်အထွေး

ဒဿနိကဗေဒကို တော်တော်ရှုပ်တဲ့ ဘာသာရပ်ဟု ပြောစမှတ်ပြုကြသည်။ တချို့ဆိုလျှင် ဘယ်လောက်ဖတ်ဖတ် နားမလည်ဘူးဟု ပြောင်ပြောင်တင်းတင်း ဝန်ခံကြသေးသည်။ မှန်ပါသည်။ ဒဿနိကဗေဒသည် အင်မတန်ရှုပ်ပါသည်။ ဝေါဟာရတွေကို စနစ်တကျလေ့လာသော ဘာသာရပ်လည်း ဖြစ်သောကြောင့် ဝေါဟာရများမှာ အင်မတန်နက်နဲပါသည်။ ထိုသို့ နက်နဲသော ဝေါဟာရများကို မြန်မာဘာသာသို့ ပြန်ဆိုရာတွင် မြန်မာဘာသာစကား၏ နက်နဲမှုကြောင့် ပို၍ပင် ရှုပ်ကုန်ပါတော့သည်။ ထို့ကြောင့် ဒဿနိကဗေဒကို နားမလည်ရသော အကြောင်းရင်း၏ လက်သည်မှာ စကားလုံးများပင် ဖြစ်သည်ဟု ဆိုပါရတော့မည်။

ဒဿနိကဗေဒအကြောင်းကို ရေးသားရာတွင် အချို့ဝေါဟာရများကို မြန်မာဘာသာသို့ ဖလှယ်ခြင်း မပြုဘဲ မူရင်း အင်္ဂလိပ်ဘာသာအတိုင်း ရေးသားလျှင် ပို၍သင့်တော်မည်ဟု ထင်ပါသည်။ ဘာသာစကားတစ်ခုမှ တစ်ခုသို့ ဖလှယ်ရာတွင် မူရင်းအဓိပ္ပါယ်ပျောက်ဆုံးမှု အနည်းငယ်ရှိပါသည်။ ဒဿနိကဗေဒ ဝေါဟာရတချို့ကို မြန်မာသာသာသို့ ပြန်ဆိုလိုက်သောအခါတွင် အဓိပ္ပါယ်သွေဖီသည်သာမက လုံးဝမတူတော့သည်များပင် ရှိသည်ကို တွေ့ရပါသည်။

Thursday, February 24, 2011

ဒေးကား၊ Matrix နှင့် အစစ်ယောင်ကမ္ဘာ

Matrix ရုပ်ရှင်ကားကို တော်တော်များများ ကြည့်ဖူးကြလိမ့်မည်။ ထိုရုပ်ရှင်ထဲတွင် ကမ္ဘာပေါ်ရှိ လူသားများကို စက်ရုပ်များက ဖမ်းဆီး၍ စွမ်းအင်ထုတ်သည့်အခါတွင် လူသား၏ အသိအာရုံ (conscious) သည် matrix ဟူသော ကမ္ဘာ သို့မဟုတ် နယ်ပယ်အတွင်းသို့ ရောက်ရှိနေသည်။ ထိုနယ်ပယ်၏ ပြင်ပတွင် သူ၏ အစစ်အမှန်လောကတွင် တည်ရှိနေခြင်းကို ကာယကံရှင် လူသားကိုယ်တိုင်သော်မှ သတိမပြုမိချေ။ သူ၏ စိတ်အာရုံသည် အမှန်တကယ်မရှိသော matrix နှင့်သာ အမြဲတစေ ထိတွေနေခဲ့ရသောကြောင့် ထို matrix ကိုသာ အစစ်အမှန်ကမ္ဘာဟု ထင်ယောင်ထင်မှား ဖြစ်နေခဲ့ခြင်းသာ ဖြစ်သည်။ ထိုကဲ့သို့ အစစ်အမှန်လောက ဟု အထင်ခံရသော အတုအယောင် လောကကို အစစ်ယောင်ကမ္ဘာ (virtual reality) ဟု ခေါ်ဆိုခြင်း ဖြစ်ပါသည်။

အစစ်ယောင်ကမ္ဘာ အိုင်ဒီယာကို ဦးစွာပထမ အစဖော်ပေးခဲ့သူမှာ ခေတ်သစ်တွေးခေါ်ပညာရှင် [1] ဒေးကား ပင်ဖြစ်သည်။ သူ၏ အတွေးအခေါ်စနစ်သည် သံသယကို အခြေခံသည်။ လောကတွင် သံသယ ဖြစ်နိုင်သမျှ အရာအားလုံးကို သံသယထားရမည်ဟု ဒေးကားက သူ၏ အတွေးအခေါ်ကို စတင်ခဲ့သည်။ ဆိုလိုသည်မှာ မည်သည့်အရာကိုမျှ လုံးဝဥသုံ ယုံကြည်ခြင်း မရှိစေခြင်းပင်ဖြစ်သည်။ ထိုသို့ သံသယဖြင့် စတင်ပါမှ နောက်ဆုံးတွင် လုံးဝ သံသယမရှိနိုင်သော မငြင်းပယ်နိုင်သော အမှန်တရားကို ရောက်နိုင်မည်ဟု ဒေးကားက ဆိုသည်။ [2]

Wednesday, February 23, 2011

Diary Entry, 22th Feb

ဒီနေ့ အိပ်မပျော်ဘူး။ တကယ်တော့ ဒီနေ့ကျမှ ထွေထွေထူးထူး အိပ်မပျော်တာ မဟုတ်ဘူးရယ်။ ငယ်ငယ်ရွယ်ရွယ်နဲ့ insomnia ဖြစ်နေတာကြာပြီ။ ကိုယ့်ကိုယ်ကိုတော့ genius တွေမှ ဖြစ်တတ်တဲ့ ရောဂါလို့ လိမ်ထားတာပဲ။ အိပ်မပျော်တာနဲ့ပဲ ဆေးလိပ်သောက်ရင်း လရောင်နဲ့ အိမ်ပတ်ဝန်းကျင်ကို ငေးနေမိတယ်။ ကျွန်တော်နေတဲ့ ရပ်ကွက်က ခြံဝန်းကြီးထဲမှာ တိုက်နေကို မျက်နှာချင်းဆိုင်အတိုင်း ဆောက်ထားတယ်။ ဝန်းရဲ့ အလည်ခေါင်မှာ သစ်ပင်ပန်းခြံလိုလို၊ ချုံလိုလိုရှိတယ်။ ညသန်းခေါင်းအချိန် လရောင်တစ်ဝက် သစ်ပင်တွေကို ထိုးနေတာ ကြည့်ရတာ လှတယ်။ ပတ်ဝန်းကျင်ကလဲ တိတ်ဆိတ်နေတာပဲ။ လရောင်တစ်ဝက်လို့ ရေးတာက ဒီနေ့လတစ်ဝက်ပဲ ရှိတဲ့နေ့မို့လို့ရယ်။ ဆေးလိပ်ကုန်သွားတော့ အိမ်ထဲကို ပြန်ဝင်ပြီး စာထိုင်ရေးလိုက်တယ်။

စာမရေးတာကြာနေပြီ။ ဘလော့ဂ်မှာ ပို့စ်အသစ်မတင်ဖြစ်တာ နှစ်လစွန်းစွန်း ရှိရော့မယ်။ ဒီနှစ်လအတွင်း ရေးဖြစ်တာနည်းနည်းပါးပါးတော့ ရှိတယ်။ သိမ်းထားတာတွေလဲ ပါတယ်။ အမှိုက်ပုံးထဲ ရောက်သွားတာတွေလဲ ပါတယ်။ မတင်ဖြစ်တာကတော့ ဘာရယ်မဟုတ်ဘူး။ လမ်းမကြုံသေးလို့ပဲ ဆိုရမယ်။ ပို့စ်တစ်ခါတင်ရတာလဲ လွယ်တာမှမဟုတ်ဘဲ။ ကျော်ရခွရနဲ့။ ပြီးတော့ ဒီရက်ပိုင်း ကော်နက်ရှင်အခြေအနေဆိုးတယ်။ ကိုယ်လုပ်စရာရှိတာလေးတွေ လုပ်တာတောင်မှ အချိန်တော်တော်ကုန်နေပြီ။ ဘလော့စပေါ့ကို အချိန်မပေးနိုင်ဘူး ဖြစ်နေတယ်။