အဲဒီလိုနဲ့ သူတို့နှစ်ယောက် . . .

ဒီနေရာတွင် ဇာတ်လမ်းစသည်။ . . .

(၁)
ကောင်းကင်တွင် ကြယ်တစ်လုံး ကြွေသွားသည်။ သူမော့ကြည့်နေမိ၏။ ဆုတောင်းဖို့ကို သတိမရ။ အဖော်တစ်ယောက် ပျောက်ဆုံးသွားသော လမင်းကြီးကို သနားနေမိသည်။ ကိုယ်ချင်းစာမိပါသည်။ ထိုခံစားချက်ကို ကိုယ်သိသည်၊ ကိုယ်ကောင်းကောင်းသိသည်လေ။ ကိုယ့်ကောင်းကင်တွင် ကိုယ်တစ်ယောက်တည်း ရှိနေခဲ့တာ ကြာခဲ့ပါပြီ။ အင်း . . . ။ ကြာခဲ့ပါပြီ။ သူ့စိတ်များက လွန်ခဲ့သော တစ်နှစ်ကျော်အချိန်များဆီသို့ ရောက်ရှိသွား၏။ မှတ်ဥာဏ်ထဲတွင် ရုပ်ရှင်ကားချပ်များ ပေါ်လာခဲ့သည်။ တဖျပ်ဖျပ် လှုပ်ရှားနေခဲ့သော ပုံရိပ်များ၊ မှတ်ဥာဏ်များ၊ ခံစားချက်များ . . .


(၂)
ကော်ဖီတစ်ခွက်၊ စာအုပ်တစ်အုပ်၊ ပန်းချီကားတစ်ချပ်နှင့် ဆံပင်ရှည်ရှည် ကောင်မလေးရှိလျှင် သူ့ဘဝ ပြီးပြည့်စုံပြီဟု ခံစားမိခဲ့ဖူးပါသည်။

(၃)
ထိုစဉ်အခါက ကောင်မလေးနှင့်သူ မြက်ခင်းစိမ်းများအပေါ်တွင် အတူရှိခဲ့ဖူးသည်။ ဗွီဒီယိုကားများထဲကလို ပြေးတမ်းလိုက်တမ်း ကစားနေခဲ့ကြသည်။ ကောင်မလေး၏ ဆံနွယ်ကို လေပြေတို့ ဝှေ့တိုင်း ရင်သပ်ရှုမော ငေးကြည့်ခဲ့ရသည်။ သူမ လှပါသည်။ နှင်းဆီပန်းခင်းသည် ကောင်မလေးကြောင့် မျက်နှာငယ်ရသည်။ ပန်းတစ်ပွင့်ကိုခူး၍ ကောင်မလေးအားပေးခဲ့သည်။ အပြုံးတစ်ခုကို လက်ဆောင်ရ၏။ သက်ရှိနှင်းဆီပန်းတစ်ပွင့်ကို ကောင်မလေး၏အပြုံးတွင် ယဇ်ပူဇော်လိုက်ရသည်မှာ တန်သည်ဟုပင် ထင်လာခဲ့မိသည်။ ကောင်မလေး၏ ဆံနွယ်ကို လေတိုးသောအခါတွင် မိုနာလီဇာကို မေ့သွား၏။ ကလီယိုပက်ထရာ လှသည်ဆိုတာ ကောင်မလေး၏ ခြေဖျားတောင် ရှိမယ်မထင်။ ဟင့်အင်း ခြေဖျားကိုတောင် မြင်ရပါစေဦး။

ထိုသို့ ကောင်မလေးတစ်ယောက်အား ရင်ခွင်ထဲတွင်ထား၍ လျှောက်ခဲ့ရသော ဘဝ၏ နေ့ရက်များတွင် ရာသီဥတုသည် အစဉ်သာယာခဲ့ပါသည်။ ခြံထဲရှိ နှင်းဆီပန်းခင်း၊ ကန်ဘောင်၏ ညနေခင်းဆည်းဆာ၊ အတူစက်ဘီးစီးပြန်သော နေ့ရက်များ၊ စသည့် စသည့် လှပသော မှတ်ဥာဏ်များ စိတ်ထဲတွင် နေရာယူခဲ့လေသည်။ ထိုနေ့များကမူ တိမ်ကင်းစင်ခဲ့ပါသည်။

(၄)
“ကို”
“ဟင်…”
“တို့ကို ချစ်ရဲ့လားဟင်”
“သိပြီးသားကို ဘာလို့မေးနေသေးတာလဲကွာ…”
x x x x x x x x x x x x x
“ကို”
“ပြောလေ”
“တို့တွေ တစ်နေ့လက်ထပ်ကြမယ်နော်”
“အင်းပေါ့”
“အဲအခါကျရင် ကလေးပုကျိလေး မွေးမယ်နော်”
“မွေးရမှာပေါ့”
“ခစ် ခစ် ခစ် ခစ်~~~” (ကောင်မလေးရယ်သံသည် အဲလိုပင်ဖြစ်ပါသည်)
x x x x x x x x x x x x x
“ကို”
“အင်း . . .”
“အလုပ်တစ်ခုခုလုပ်တော့လေ”
“ကို… ပန်းချီတွေဆွဲနေတယ်လေ”
“ကို့ ပန်းချီကားတွေ၊ ကဗျာတွေက ဖေဖေတို့ ကျေနပ်တဲ့ ဝင်ငွေကိုမှ မရှာပေးနိုင်တာ”
“. . . . . .”
“ကို ဖေဖေ့ ကုမ္ပဏီမှာ ဝင်လုပ်ပါလား”
“မဖြစ်ဘူးထင်ပါတယ်”
“ဖြစ်ပါတယ်… တို့ ဖေဖေ့ကို ပြောထားပြီးသား… ကို က သွားလျှောက်ပြီး ဝင်လုပ်ရုံပဲ… နော်”
“ကို မှ အဲဒီကုန်သွယ်စီးပွားရေးတွေ စိတ်မဝင်စားတာ”
“ဟာကွာ… ဒါဆို ကို အဲဒီပန်းချီတွေပဲ တစ်သက်လုံးဆွဲနေမှာလား”
“အင်း ဆွဲနေဦးမှာ”
“ဒါဆိုရင်တော့ တို့ ရှေ့ရေးက မသေချာဘူးနော်”
“. . . . . . .”
“ကို့ ပန်းချီကားတွေနဲ့ တို့နဲ့ ဘယ်သူ့ကို ရွေးမှာလဲ”

သူ. . . ပန်းချီဆေးဗူးကို ကိုင်၍ ကောင်မလေးကို ကျောခိုင်းထွက်ခဲ့လေသည်။ မိုးကုပ်စက်ဝိုင်းမှနေသည် ကမ္ဘာမြေကြီး၏ အထဲသို့ ငုံ့ရှိုး၊ တိုးဝင်၊ ပျောက်ကွယ် . . .

(၅)
အဲဒီလိုနဲ့ . . .
အဲဒီလိုနဲ့ သူ . . .
အဲဒီလိုနဲ့ သူတို့ . . .
အဲဒီလိုနဲ့ သူတို့ . . .
အဲဒီလိုနဲ့ သူတို့နှစ်ယောက် . . .

(၆)
ကို
ကျွန်မလက်ထပ်တော့မယ်။ ဖေဖေ့မိတ်ဆွေတစ်ယောက်ရဲ့ သားနဲ့ပါ။ လက်ထပ်ပြီးရင် သူနဲ့အတူ နိုင်ငံခြား တစ်ခါတည်း သွားတော့မှာမို့လို့ အခုလို စာရေးပြီး နှုတ်ဆက်လိုက်တာပါ။ ကို နေကောင်းတယ် မဟုတ်လားဟင်။ ကျွန်မတို့ အခြေအနေအရ ဝေးခဲ့ကြပေမယ့် အခုထိ x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x xx x x x x x xx x x x xx x x xx x x x xx x x xx x x x x xx x x x x x xx x x x x x x x x x x x x x x x x xxx x x x xx xx x x x x x x x x x x x x x x x x x x x x x x x x x x x x x x x x x x x x x x x x x
X x x x x x x x x x x x x x x x x x x x x x x x x x x x x x x x x x x x x x x x x x x x x x x x x x x xx x x x x x x x x x x x x x x x x x x x x x x x x x x x x x x x x x x xx x x x x x x x x x x xx x x x xx x x x x x x x x x x x x x x x x x x x x xx x x x မင်္ဂလာဆောင် ဖိတ်စာကို နီးမှ ပို့လိုက်ပါမယ်။ အကို လာခဲ့စေချင်ပါတယ်။ အကို. . . ကျန်းမာရေးဂရုစိုက်ပါ။ အစစ အရာရာ အဆင်ပြေပါစေလို့ ဆုတောင်းရင်း . . .
တစ်ခါက
ကောင်မလေး

(၇)
အား . . . တော်ပါတော့။ ဒီ မှတ်ဥာဏ်တွေ။ ဒီ ပုံရိပ်တွေ။ ငါ မမြင်ချင်တော့လို့ပါ။ ငါေ တာ င်း ပ န် ပါ တ ယ် ။
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _
ထိုစာကို သူက လှေခေါက်ပြီး ရေထဲမျောလိုက်သည်။ ရင်ထဲမှ ခံစားချက်တွေကိုတော့ ဆေးလိပ်ငွေ့နှင့်အတူ မှုတ်ထုတ်လိုက်၏။ ကောင်းကင်တွင် ဆေးလိပ်ငွေ့များနှင့် အတူရောကာ ဝေဝါးသွားသော ကြယ်များကိုကြည့်ရင်း အတွေးတွေပင် ဝေဝါးနေသလို။ မြက်ခင်းပေါ်တွင် အိပ်ရင်း ကောင်းကင်ကို ငေးနေမိသည်။ စိတ်ကူးထဲမှ ပေါ်လာသော အတွေးများကိုလည်း ပန်းချီကားအဖြစ် ပြောင်းလဲပစ်ရဦးမည်။

(၈)
ဒီနေရာတွင် ဇာတ်လမ်းပြီး၏။