The Birth of the Author

တချို့ကတော့ စာရေးဆရာ သေဆုံးသွားပြီလို့ ပြောကြတယ်။

ပြောချင်တာက စာပေအနုပညာတစ်ခုမှာ စာရေးဆရာက ရေးသားဖန်တီးပြီးတဲ့နောက်ပိုင်း စာရေးဆရာရဲ့ အခန်းကဏ္ဍဟာပြီးဆုံးသွားပြီဆိုတာပါ။ စာပေတစ်ခုကို ဖတ်ရှုတဲ့အခါမှာ အဓိပ္ပာယ်ဟာ စာဖတ်သူရဲ့ သိမြင်ရှုမှတ်မှုပေါ်မှာပဲ အခြေခံပြီး စာရေးသူနဲ့ မပတ်သက်တော့ဘူးဆိုတာပါ။ ဒယ်ရီဒါရဲ့ deconstruction အရ ဒီအဆိုကို ပြောကြတာထင်ပါတယ်။ ကျွန်တော်တို့ စာတစ်ပုဒ် ကဗျာတစ်ပုဒ်ကို ဖတ်တဲ့အခါမှာ ကျွန်တော်တို့ဟာ စာရေးသူ ချပြထားတဲ့ ဇာတ်ကြောင်းကို ဖတ်ပေမယ့် ကျွန်တော်တို့ရဲ့ဘာသာစကားအနက်ပြန်မှု context ဟာ ကျွန်တော်တို့ လက်ဝယ်မှာပဲ ရှိနေတယ် ဆိုတာပါ။ ဘယ်သူမှ စာတစ်ပုဒ် ကဗျာတစ်ပုဒ်ကို အစွဲကင်းကင်းနဲ့ မဖတ်နိုင်ပါဘူး။ ကျွန်တော်တို့ရဲ့ သိမှုတွေ၊ ယဉ်ကျေးမှုတွေ၊ ကျင့်ဝတ်တွေ ဘောင်အတွင်းကနေပဲ အနက်ပြန်ကြပါတယ်။ တကယ်လို့သာ လုံးဝအစွဲကင်းကင်းနဲ့ ဖတ်နိုင်ပြီဆိုရင်လည်း အဲဒီ စကားလုံးတွေဟာ အဓိပ္ပာယ်တစ်စုံတစ်ရာကို ကိုယ်စားမပြုနိုင်တော့ပဲ စာမျက်နှာပေါ်က၊ ဖန်သားပြင်ပေါ်က ဗျည်းနဲ့အက္ခရာတွေ အဖြစ်သာ မြင်ရပါလိမ့်မယ်။

ဒါဆိုရင် တကယ်ပဲ စာရေးဆရာဟာ သေဆုံးသွားပြီလား။ စာရေးသူရဲ့ အခန်းကဏ္ဍဟာ စာဖတ်တဲ့အချိန်မှာ အရေးမပါတော့ဘူးလား။ 

ကျွန်တော့်အမြင်မှာတော့ စာရေးသူဟာ မသေဆုံးသေးပါဘူး။ ပိုပြောရရင် စာဖတ်တဲ့ အချိန်မှသာ စာရေးသူဟာ မွေးဖွားလာတာ ဖြစ်ပါတယ်။ ဘာကြောင့်လဲ။ ကျွန်တော့်အတွက်တော့ စာဖတ်တယ်ဆိုတာ စာရေးသူကို ရှာဖွေခြင်းပဲ။ ကျွန်တော်တို့ဟာ စာရေးဆရာကို မသိနိုင်ပါဘူး။ သူတို့ကို သိနိုင်တဲ့ တစ်ခုတည်းသော နည်းလမ်းက သူတို့ရဲ့ စာတွေကတစ်ဆင့်ပဲ ဖြစ်ပါတယ်။ စာဖတ်တဲ့အခါမှာ ကိုယ့်ဘာသာကိုယ် အနက်ပြန်တာထက် စာရေးသူက ဒီလိုရေးတဲ့အခါမှာ သူ့ပတ်ဝန်းကျင်နဲ့ သူ့ စိတ်နေသဘောထား ဘယ်လိုရှိနိုင်မလဲဆိုတာကို ကျွန်တော်ရှာနေမိတယ်။

ဥပမာ ကာ(ဖ)ကာရဲ့ တရားခွင်ကို ဖတ်နေရင် အဲဒီခေတ် ဂျာမန်နိုင်ငံရဲ့ နိုင်ငံရေးအခြေအနေ၊ ကျင့်ဝတ်အနေအထား၊ ကာ(ဖ)ကာရဲ့ ဘဝနဲ့ စိတ်အနေအထား၊ စတာတွေကို လေ့လာနိုင်တယ်။ တရားခွင်လို့ ပြောလိုက်ရင် မြန်မာပြည်တရားခွင်ထက် ဂျိုးဆက်(ဖ)ကေ ရောက်နေတဲ့ တရားခွင်ကို ကျွန်တော့် စိတ်ကူးမှာ တည်ဆောက်လိုက်တယ်။ ဒါဟာ မင်းစိတ်ကူးထဲက ဂျာမန်တရားခွင်ပဲလို့ ငြင်းလိမ့်မယ်။ မတတ်နိုင်ဘူး။ စကားလုံးတွေကို အနက်ပြန်ဖို့က အသိပညာတစ်စုံတစ်ရာဟာ အမြဲလိုနေမှာပဲ။ ကျွန်တော့် စိတ်ကူးက တရားခွင်ဟာ တကယ့်ဂျာမန်တရားခွင် ဖြစ်ချင်မှဖြစ်မယ်။ ဒါပေမယ့် ကာ(ဖ)ကာရဲ့ စိတ်ကူးထဲက တရားခွင်နဲ့တော့ အနီးစပ်ဆုံးတူအောင် တည်ဆောက်ယူရတာပဲ။

ဒီလိုနဲ့ပဲ စာရေးသူကို သူ့တို့ရဲ့ စာတွေကတစ်ဆင့် တည်ဆောက်ယူရပါတယ်။ အောင်ချိမ့်ဘယ်သူလဲ ကျွန်တော်မသိဘူး။ သူ့အသက်ဘယ်လောက်ရှိပြီလဲ ကျွန်တော်မသိဘူး။ ဒါပေမယ့် ကျွန်တော်သိတဲ့ အောင်ချိမ့်ဟာ ကဗျာထဲက အောင်ချိမ့်၊ ကဗျာဆရာအောင်ချိမ့်၊ ကဗျာရေးတဲ့ အောင်ချိမ့်ပါပဲ။ ကဗျာထဲက အောင်ချိမ့်နဲ့ အပြင်က အောင်ချိမ့် တူချင်မှတူမယ်။ ကျွန်တော့် အတွက်တော့ အပြင်ကအောင်ချိမ့်ဟာ ကဗျာကနေတစ်ဆင့် တည်ဆောက်ယူထားရတဲ့ အောင်ချိမ့်ပါပဲ။