ပုဂံခေတ်နိုင်ငံရေးသမိုင်း၊ ဒေါက်တာသန်းထွန်းနဲ့ သုတေသနလုပ်ငန်း

နွေရာသီကျောင်းပိတ်လို့ ရန်ကုန် ပြန်ရောက်ရောက်ချင်းပဲပထမဆုံးကိုင်ဖြစ်တဲ့ စာအုပ်ကဒေါက်တာသန်းထွန်းရဲ့ ပုဂံခေတ် နိုင်ငံရေးသမိုင်း ပဲ။ သုံးခဲ့ဖူးသမျှ ၁၅၀၀ ကျပ်ထဲမှာအတန်ဆုံးပဲလို့ ပြောချင်တယ်။ ၂၀၁၂ လောက်တုန်းကပုဂံကိုလေ့လာရေးခရီးမသွားခင် တစ်ခေါက်ဖတ်ခဲ့ဖူးပေမယ့် ဒီစာအုပ်ရဲ့ တန်ဖိုးကိုအသေအချာနားမလည်ခဲ့ဘူးလို့ ဆိုနိုင်တယ်။

အမှာစာက ဒီစာအုပ်ရဲ့ စိတ်ဝင်စားဖို့ အကောင်းဆုံးအပိုင်းဖြစ်မယ်။ အမှာစာထဲမှာဒေါက်တာသန်းထွန်းဒီစာအုပ်ကိုဘာကြောင့် ရေးသလဲ၊ သူ့ရဲ့ သုတေသနခံယူချက်ကဘာလဲ၊ သုတေသနဘယ်လိုလုပ်သလဲဆိုတာတွေကိုတွေ့ရတယ်။ အမှာစာအဖွင့်မှာကတည်းကဦးကိုကိုကြီးကဒေါက်တာသန်းထွန်းကိုပြောတဲ့ မှတ်ချက် “ဟေ့ ကိုသန်းထွန်းခင်ဗျားကံကောင်းတယ်။ ပုဂံကိုနောက်တစ်ခေါက်သွားဖို့ မလိုတော့ဘူး” ဆိုတဲ့ စကားနဲ့ စထားတယ်။ ဦးကိုကိုကြီးသူ့ကိုဒီစကားဘာကြောင့် ပြောသလဲ။ ဒီအပိုင်းဟာသုတေသနလုပ်ငန်းကိုစိတ်ဝင်စားတဲ့ သူတိုင်းစဉ်းစားစရာ ဖြစ်တယ်။ တစ်နည်းအားဖြင့် ဦးကိုကိုကြီးရဲ့ မှတ်ချက်ဟာဒေါက်တာသန်းထွန်းတစ်ယောက်ထဲကိုဦးတည်တာမဟုတ်၊ သမိုင်းနဲ့လူမှုဗေဒဆိုင်ရာသုတေသနလုပ်ငန်းတစ်ခုလုံးကိုပါ ဦးတည်တာဖြစ်တယ်။ ပြောချင်တာကပုဂံငလျှင်ကြီးလှုပ်တာသုတေသီတွေအတွက် ကံကောင်းတယ်၊ ပုဂံကိုနောက်တစ်ခေါက်သွားမလိုတော့ဘူးလို့ ပြောချင်တာ။ ဒီစကားထွက်လာတဲ့ မူလအကြောင်းအရင်းကိုဒေါက်တာသန်းထွန်းစဉ်းစားကြည့်ထားတဲ့ အကြောင်းငါးချက်ကိုအောက်မှာ ကြည့်ပါ။

“(၁) တစ်ခါတစ်ခေါက်နဲ့ ကိစ္စပြီးရမှာ၊ သွားမဆုံးပြောမဆုံး ကြည့်မဆုံးလုပ်နေတာ၊ အမြင်ကပ်လို့လည်း ဖြစ်မယ်။(၂) ခွေးကြည့်လွှတ်သလိုဖျင်းလို့၊ တစ်ခါတစ်ခေါက်နဲ့ မပြီး၊ အခါခါ အခေါက်ခေါက် သွားကြည့်နေရတာကြောင့်လည်း ဖြစ်မယ်။(၃) ဒါကလွဲလို့၊ တခြားအဖိုးတန်တဲ့အလုပ် လုပ်စရာမရှိတာနဲ့ တူတယ်။(၄) တလည်လည်တပတ်ပတ် ရေးလိုက်ပြောလိုက် လုပ်နေတာကိုဖတ်တဲ့သူနားထောင်တဲ့သူရှိရဲ့လား။(၅) ကီဝီဖိနပ် ဆေးနက် (Kiwi Boot Black) တစ်ဘူး၊ သွားကြားထိုးတံဒုတ်ကလေးတစ်တံလောက်မှ လူမှုကိစ္စမှာအသုံးဝင်ရဲ့လား။”

ဒီငါးချက်ဟာသုတေသနလုပ်ငန်းအတွက် အတားအဆီးငါးခုဖြစ်တယ်။ တနည်းအားဖြင့် သာမန်လူတွေကသုတေသီတွေအပေါ်ထားလေ့ရှိတဲ့ အမြင်တွေ၊ အမြင်ကပ်စရာအကြောင်းရင်းတွေပဲ။ သမိုင်းမှာတင်မကအခြားလူမှုဗေဒဆိုင်ရာပညာရပ်တွေမှာဒီကိစ္စတွေကိုပဲထပ်ခါတလဲလဲပြောနေကြတာအမြင်ကပ်ဖို့ကောင်းတဲ့အပြင် သုတေသီတွေ အသုံးမကျရာရောက်တယ်။ ဒဿနပညာရှင်တွေ ဒီအကြောင်းတွေကိုပဲ နှစ်ပေါင်းများစွာ ငြင်းနေကြတာအခုထိအဖြေမရသေးဘူး၊ ဒဿနိကဗေဒဆိုတာအလကားပါကွာလို့ ပြောတာတွေ ခဏခဏ ကြားဖူးတယ်။ ဒီကိစ္စနဲ့ ပတ်သက်လို့တော့ ဒေါက်တာသန်းထွန်းကအမှာစာထဲမှာ

“သုတေသနနယ်ပယ်မှာပြောစရာအမြဲရှိနေမှာ ဖြစ်ပါတယ်။ ဘာပြုလို့လဲဆိုတော့ အသိသစ်ကိုအမြဲရှာနေလို့ ဖြစ်ပါတယ်။ ရှင်းရှင်းပြောတော့ သူများမှားနေတာကို ပြင်မယ်၊ သူများမသိလို့ချန်ခဲ့တာကို ဖြည့်မယ်။ ‘မင်းအထက်ကလူတွေကိုဒီလိုပဲစော်ကားနေတာလား’ မေးရင်၊ ဟုတ်တယ် ‘အဲဒါနဲ့ပဲအသက်မွေးပါတယ်’လို့ ဖြေပါရစေ။”

လို့ရေးတယ်။ ဒီလိုမျိုးသုတေသနခံယူချက်ဟာဒေါက်တာသန်းထွန်းသာမကပညာရပ်ဆိုင်ရာနယ်ပယ်မှာရှိတဲ့ သုတေသီအားလုံးမှာရှိတဲ့၊ ရှိသင့်တဲ့ ခံယူချက်မျိုးပဲ။ ခွေးကြည့်လွှတ်သလိုခဏခဏသွားကြည့်နေရတာ၊ ထပ်ခါတလဲလဲပြောနေရတာအသုံးမကျလို့ မဟုတ်၊ အသိသစ်ကိုအမြဲတမ်းရှာနေ၊ အရင်လူတွေရဲ့ အမှားကို ပြင်နေရလို့ပဲ။ ဒါကိုတစ်ချို့ကရှေးလူတွေကိုစော်ကားတယ်၊ မင်းကရှေ့လူတွေထက် ပိုသိ၊ ပိုတတ်နေလို့လားလို့ မြင်တတ်ကြတယ်။ တကယ်တော့ ဒါဟာစော်ကားတာမဟုတ်၊ ရှေ့လူတွေရဲ့ ပုခုံးပေါ်တက်ပြီးမှသာပိုပြီးဝေးဝေးမြင်နိုင်မှာပဲ။ 

နံပါတ် (၃)၊ (၄)၊ နဲ့ (၅) ကိုဒေါက်တာသန်းထွန်းကဒီစာအုပ်ထဲမှာမရှင်းထားပါ။ ဒီအကြောင်းတွေ ရေးရရင် စာအုပ်တစ်အုပ်စာလောက် ရေးရမှာမို့ ချန်ခဲ့တာလည်း ဖြစ်နိုင်တယ်။ အဓိက ပြဿနာကတော့ သုတေသနလုပ်ငန်းရဲ့ “တန်ဖိုး” နဲ့ “အသုံးဝင်မှု” ဖြစ်ပါတယ်။ သုတေသနကိစ္စတွေ နားထောင်မယ့်သူမရှိတာသုတေသနရဲ့ တန်ဖိုးနဲ့ အသုံးဝင်ပုံကိုလူတွေနားမလည်ကြလို့ဘဲ။ ဒေါက်တာသန်းထွန်းကတော့ “သမိုင်းသင်တာမအအောင်လို့” ဆိုပြီးတိုတိုတုတ်တုတ် ရှင်းပြခဲ့ဖူးတာ ကြားဖူးပါတယ်။ ဒီစာအုပ်ထဲမှာတော့ လူတွေ ဘာကြောင့် ပုဂံအကြောင်းသိသင့်သလဲဆိုတာပွင့်ပွင့်လင်းလင်းရေးထားတာမတွေ့ရပါ။ စိတ်ဝင်စားတဲ့သူ၊ တန်ဖိုးနားလည်တဲ့သူတွေ ဝယ်ဖတ်ကြမှာပဲလို့ ကြိုတင်ဆုံးဖြတ်ထားဟန်ရှိတယ်။ 

ဒီစာအုပ်ကို ၂၀၀၅ ခုနှစ်မှာထုတ်တယ်ဆိုတော့ အမှာစာကိုလည်းအဲဒီဝန်းကျင်မှာရေးတယ်လို့ ခန့်မှန်းရပါတယ်။ ဒီအမှာစာကို ကြည့်ခြင်းအားဖြင့် ၂၀၀၅ ခုနှစ် ဗမာပြည် သုတေသနနယ်ပယ်ကိုစိတ်ပျက်နေတဲ့ ဒေါက်တာသန်းထွန်းကို မြင်ရတယ်။ သုတေသနလုပ်ငန်းကိုဗမာပြည်မှာတက္ကသိုလ်တွေကအစဘယ်သူမှ ဂရုမစိုက်တော့တာအခုထိပဲ။ အမှာစာထဲကအချက်ငါးချက်ကသုတေသနလုပ်ငန်းမှေးမှိန်နေရတဲ့ အကြောင်းရင်းကိုထင်ဟပ်နေတယ်။ အချက်ငါးချက်ကို နှစ်ပိုင်းခွဲကြည့်လို့ရမယ်။ နံပါတ် (၁) နဲ့ (၂) က သုတေသီတွေရဲ့အပိုင်း။ နံပါတ် (၃)၊ (၄)၊ နဲ့ (၅) က နားထောင်မယ့်သူ၊ လူထုရဲ့ အပိုင်းဖြစ်တယ်။ တိုတိုပြောရရင်တော့ သုတေသီတွေကအထက်လူတွေရဲ့ အမှားကိုလိုက်ရှာဖို့၊ အမှားတွေကိုပြင်ဆင်ဖို့ သတ္တိမရှိကြတာနဲ့ သူတို့ပြောတာတွေ နားထောင်မယ့်သူတွေကသုတေသနလုပ်ငန်းရဲ့ တန်ဖိုးကိုမသိကြတာပဲ။ 

ဒီစာအုပ်အကြောင်းပြောချင်တာတွေ အများကြီးကျန်သေးတယ်။ အစီအစဉ်မကျ တောင်ရောက်မြောက်ရောက်တွေ လျှောက်ပြောနေရင် အလကားပဲမို့ အကြောင်းအရာတစ်ခုချင်းစီခွဲပြီးရေးမယ် စဉ်းစားထားပါတယ်။